ഏറ്റുമാനൂര്‍ ടൗണില്‍ ഗതാഗതക്കുരുക്ക് രൂക്ഷമായി.

ഏറ്റുമാനൂര്‍ ടൗണില്‍ ഗതാഗതക്കുരുക്ക്  രൂക്ഷമായി. ശബരിമല തീര്‍ത്ഥാടകരുടെ ബാഹുല്യവും ക്രിസ്തുമസ് ആഘോഷങ്ങളുടെ തിരക്കും വാഹന ഗതാഗതം വര്‍ധിക്കാന്‍ കാരണമായി. ഏറ്റുമാനൂരില്‍ ഗതാഗതത്തിരക്കേറുമ്പോള്‍ ആംബുലന്‍സുകള്‍ പോലും കടന്നുപോകാന്‍ കഴിയാതെ വിഷമിക്കുന്ന സാഹചര്യമാണ് ഉണ്ടായത്. 

പട്ടിത്താനം മുതല്‍ KSRTC വരെ വാഹനങ്ങളുടെ നീണ്ടനിര മണിക്കുകളോളം കാത്തു കിടക്കേണ്ട സ്ഥിതിയാണുണ്ടായത്. വര്‍ദ്ധിച്ചുവരുന്ന വാഹനാപകടങ്ങള്‍ ഒഴിവാക്കുന്നതിനായി റോഡ് സുരക്ഷ ഉറപ്പാക്കാന്‍ മോട്ടോര്‍ വാഹന വകുപ്പ് വാഹന പരിശോധനയും നിരീക്ഷണവും ശക്തമാക്കി. ആഘോഷത്തിരക്കേറുമ്പോള്‍ ഏറ്റുമാനൂര്‍ നഗരത്തില്‍ ഗതാഗത തടസ്സംവര്‍ധിക്കുകയാണ്.