ഫ്രണ്ട്‌സ് ഫിറ്റ്‌നസ് ക്ലബ്ബിന്റെ ആഭിമുഖ്യത്തില്‍ ക്രിസ്മസ് ആഘോഷം

ഏറ്റുമാനൂര്‍ ഫ്രണ്ട്‌സ് ഫിറ്റ്‌നസ് ക്ലബ്ബിന്റെ ആഭിമുഖ്യത്തില്‍ ക്രിസ്മസ് ആഘോഷം നടന്നു. ഏറ്റുമാനൂര്‍ നീണ്ടൂര്‍ റോഡില്‍ പ്രവര്‍ത്തിക്കുന്ന ഫ്രണ്ട്‌സ് ഫിറ്റ്‌നസ് സെന്ററില്‍ വച്ച് സംഘടിപ്പിച്ച ആഘോഷ പരിപാടിയുടെ ഉദ്ഘാടനം കോട്ടയ്ക്കപുറം സെന്റ് മാത്യൂസ് ചര്‍ച്ച് വികാരി ഫാ.സോണി തെക്കുംമുറിയില്‍ നിര്‍വഹിച്ചു. നഗരസഭ കൗണ്‍സിലര്‍ രശ്മി ശ്യാം മുഖ്യപ്രഭാഷണം നടത്തി.  

ക്ലബ്ബ് പ്രസിഡന്റ് തോമസ് മാത്യു (ബേബിച്ചന്‍) അദ്ധ്യക്ഷത വഹിച്ചു. ഏറ്റുമാനൂര്‍ എസ്.എം.എസ്.എം ലൈബ്രറി പ്രസിഡണ്ട് ജി പ്രകാശ് ആഘോഷ സമിതി ചെയര്‍മാന്‍ ഗണേഷ് ഏറ്റുമാനൂര്‍ തുടങ്ങിയവര്‍ പ്രസംഗിച്ചു . ചടങ്ങില്‍ ദേശീയ ഫോറസ്റ്റ് ഗയിംസില്‍ പവ്വര്‍ ലിഫ്റ്റിംഗ് വെറ്ററന്റ് കാറ്റഗറിയില്‍ സ്വര്‍ണ്ണ മെഡലും ഓപ്പണ്‍ കാറ്റഗറിയില്‍ വെള്ളി മെഡലും കരസ്ഥമാക്കിയ ക്ലബ് അംഗവും ഐഎഫ്എസ് ഉദ്യോഗസ്ഥയുമായ ദേശീയ ചാമ്പ്യന്‍ നീതു ലക്ഷ്മിയെയും , അതിരമ്പുഴ ഗ്രാമ പഞ്ചായത്തിലേക്ക് ആറാം വാര്‍ഡില്‍ നിന്നും തിരഞ്ഞെടുക്കപ്പെട്ട ക്ലബ്ബ് അംഗം ഷാന്‍ഡി മാത്യുവിനെയും അനുമോദിച്ചു. അതോടൊപ്പം ഫിറ്റ്‌നസ് ട്രെയ്‌നിയായി വിദേശത്ത് ജോലി ലഭിച്ച ഫ്രണ്ട്‌സ് ഫിറ്റ്‌നസ് ക്ലബ്ബിലെ നിതിന്‍ ബെന്നിക്ക് യാത്രയയപ്പും നല്‍കി.