കിടങ്ങൂര്‍ ജേസീസിന്റെ ആഭിമുഖ്യത്തില്‍ തിരുവാതിരകളി മത്സരം ജേസി പാലസില്‍ നടന്നു.

കിടങ്ങൂര്‍ ജേസീസിന്റെ ആഭിമുഖ്യത്തില്‍ തിരുവാതിരകളി മത്സരം ജേസി പാലസില്‍ നടന്നു. കിടങ്ങൂര്‍ പഞ്ചായത്ത് പ്രസിഡന്റ് ഗീത സുരേഷ് തിരുവാതിരകളി മത്സരം ഉദ്ഘാടനം ചെയ്തു. കിടങ്ങൂര്‍ കോ-ഓപ്പറേറ്റീവ് ബാങ്ക് പ്രസിഡന്റ് N.B സുരേഷ് ബാബു, ജേസീസ് പ്രസിഡന്റ് മനോജ് ചെറുകര, സെക്രട്ടറി അനില്‍ പാഴൂരാത്ത് എന്നിവര്‍ പ്രസംഗിച്ചു. 

ജേസീസ് അംഗങ്ങളായ ശശിധരന്‍ നായര്‍ ഇടച്ചേരില്‍, രഘുനാഥ്,  കൃഷ്ണകുമാര്‍, അനൂപ് പുളിക്കല്‍, മുന്‍ പ്രസിഡന്റ് TK രാജു, ആശാ സുരേഷ് , രാജി വേണുഗോപാല്‍, മായാ സുരേഷ് , ജയശ്രീ സുനില്‍ , മഞ്ജു മനോജ് തുടങ്ങിയവര്‍ നേതൃത്വം നല്‍കി. വിവിധ സ്ഥലങ്ങളില്‍ നിന്നുളള 8 ടീമുകളാണ് തിരുവാതിരകളി മത്സരത്തില്‍ പങ്കെടുത്തത്. ഒന്നാം സമ്മാനമായ കുമ്മണ്ണൂര്‍ താഴത്തുവീട്ടില്‍ മീനാക്ഷിയമ്മ മെമ്മോറിയല്‍ എവര്‍ റോളിംഗ് ട്രോഫിയും 12000 രൂപയും തപസ്യ ആമ്പല്ലൂര്‍ കരസ്ഥമാക്കി. രണ്ടാം സമ്മാനമായ കിടങ്ങൂര്‍ പെരുമ്പടപ്പില്‍ മീനാക്ഷിയമ്മ മെമ്മോറിയല്‍ എവര്‍ റോളിങ് ട്രോഫിയും 6000 രൂപ ക്യാഷ് അവാര്‍ഡും നേടിയത് കണ്ണൂരില്‍ നിന്നുള്ള താളം NSS ടീമാണ്.  മൂന്നാം സമ്മാനമായി സ്റ്റാര്‍വിഷന്‍ കിടങ്ങൂര്‍ നല്‍കുന്ന 3000 രൂപ ഇരുവേലി പുന്നച്ചാലില്‍ Nss കരയോഗം ടീം കരസ്ഥമാക്കി. പങ്കെടുത്ത 8 ടീമുകളും മികച്ച പ്രകടനമാണ് കാഴ്ചവച്ചത്.