ചേര്പ്പുങ്കല് മാര് സ്ലീവാ ഫോറോനാ പള്ളിയില് ഉണ്ണി മിശിഹായുടെ ദര്ശന തിരുനാളാഘോഷം ഭക്തിസാന്ദ്രമായി. കുമ്മ ണ്ണൂര് സെന്റ് തോമസ് സ്മാരകത്തില് നിന്നും ആരംഭിച്ച പ്രദക്ഷിണം മാര് സ്ലീവാ ഷോപ്പിംഗ് കോംപ്ലക്സില് പ്രവേശിച്ച് സെന്റ് ആന്റണിസ് കപ്പേളയിലും ടൗണ് കപ്പേളയിലുമെത്തി ചേര്പ്പുങ്കല് പാലം കടന്ന് പള്ളിയില് എത്തിച്ചേര്ന്നു. ടൗണ് കപ്പേളയില് അരുവിത്തുറ സെന്റ് ജോര്ജ് കോളേജ് ബര്സാര് ഫാദര് ബിജു കുന്നക്കാട്ട് സന്ദേശം നല്കി . പ്രധാന തിരുനാള് ദിനത്തില് രാവിലെ നടന്ന തിരുനാള് പ്രദക്ഷിണവും ഭക്തിസാന്ദ്രമായിരുന്നു. രാവിലെ നടന്ന തിരുനാള് റാസക്ക് ഫാ. തോമസ് തയ്യില് മുഖ്യ കാര്മികത്വം വഹിച്ചു.
ഫാ. മൈക്കിള് നടുവിലെകുറ്റ്, ഫാ. ആന്റണി ഞരളക്കാട്ട് സക്കറിയ വാഴപറമ്പില് തുടങ്ങിയവര് സഹകാര്മ്മികര് ആയിരുന്നു. ഫാ.ജോസഫ് ആലഞ്ചേരി സന്ദേശം നല്കി. വൈകിട്ട് 6 30ന് കെഴുവംകുളം കുരിശു പള്ളിയില് ലദീഞ്ഞ് , തുടര്ന്ന് മെഡിസിറ്റി വഴി ചേര്പ്പുങ്കല് പള്ളിയിലേക്ക് പ്രദക്ഷിണവുമുണ് നടക്കുന്നത്. സമാപന ദിവസമായ ജനുവരി മൂന്നിന് രാവിലെ 6 30ന് വിശുദ്ധ കുര്ബാന തുടര്ന്ന് പരേതര്ക്ക് വേണ്ടിയുള്ള സെമിത്തേരി സന്ദര്ശനം. ജനുവരി 2 ന് ആദ്യവെള്ളിയില് പതിവു തിരുക്കര്മ്മങ്ങള് ഉണ്ടായിരിക്കും.
0 Comments