കല്ലറയില് പുതിയതായി നിര്മിച്ച പൊലീസ് സ്റ്റേഷന് കെട്ടിടത്തിന്റെ ഉദ്ഘാടനം മുഖ്യമന്ത്രി പിണറായി വിജയന് ഓണ്ലൈനില് നിര്വഹിച്ചു. പോലീസ് സ്റ്റേഷനുകളിലെ അടിസ്ഥാന സൗകര്യങ്ങള് വികസിപ്പിക്കുന്നതില് സംസ്ഥാന സര്ക്കാര് പ്രത്യേക പരിഗണന നല്കുന്നുണ്ടെന്ന് മുഖ്യമന്ത്രി പറഞ്ഞു. പരാതിയുമായി വരുന്നവര്ക്ക് വേണ്ട എല്ലാ സഹായവും നല്കുന്നതിനായി ഹെല്പ് ഡെസ്ക് ഉള്പ്പെടെയുളള സൗകര്യങ്ങളാണ് ഒരുക്കിയിരിക്കുന്നത്. സ്ത്രീകള്ക്കും കുട്ടികള്ക്കും ഭിന്നശേഷിക്കാര്ക്കുമായി പ്രത്യേക സംവിധാനങ്ങളുണ്ട്. കേരള പൊലീസിന് ജനസൗഹൃദ മുഖം നല്കാന് സാധിച്ചത് സംസ്ഥാന സര്ക്കാരിന്റെ പ്രധാന നേട്ടങ്ങളിലൊന്നാണെന്ന് അദ്ദേഹം കൂട്ടിച്ചേര്ത്തു.
0 Comments