ളാലത്തുത്സവത്തിന്റെ എട്ടാം ദിവസം വൈകിട്ട് എട്ടങ്ങാടി സമര്‍പ്പണം നടന്നു.

ളാലത്തുത്സവത്തിന്റെ എട്ടാം ദിവസം വൈകിട്ട്  എട്ടങ്ങാടി സമര്‍പ്പണം നടന്നു. പാലാ ടൗണ്‍ SNDP ശാഖയുടെ അഭിമുഖ്യത്തിലാണ് എട്ടങ്ങാടി സമര്‍പ്പണ ഘോഷയാത്ര നടന്നത്. ളാലം പാലം ജംഗ്ഷനില്‍ എട്ടങ്ങാടി സമര്‍പ്പണ ഘോഷയാത്ര നഗരസഭാ ചെയര്‍പേഴ്‌സണ്‍ ദിയ ബിനു ഫ്‌ലാഗ് ഓഫ് ചെയ്തു. ജോസ് K മാണി MP , മാണി സി കാപ്പന്‍ MLA നഗരസഭാംഗങ്ങളായ ബിനു പുളിക്കക്കണ്ടം ബിജു പുളിക്കക്കണ്ടം, ബിജു പാലൂപ്പടവന്‍ തുടങ്ങിയവര്‍ സന്നിഹിതരായിരുന്നു. 

ശാഖാ പ്രസിഡന്റ് P.G അനില്‍കുമാര്‍ , വൈസ് പ്രസിഡന്റ് നാരായണന്‍ കുട്ടി, സെക്രട്ടറി ബിന്ദു മനത്താനം, KR സൂരജ് , Kഗോപി , ബിജു കോട്ടയില്‍, Kp വിജയന്‍ വനിതാ സംഘം പ്രസിഡന്റ് ഗീത കോമളം ,സെക്രട്ടറി ഷീജ സതീഷ് തുടങ്ങിയവര്‍ നേതൃത്വം നല്‍കി. എട്ടങ്ങാടിയ്ക്കായി കപ്പ, കാച്ചില്‍, ചേമ്പ്, ചേന, ഏത്തക്ക. തുടങ്ങിയ  ഇനങ്ങളുമായാണ് ഘോഷയാത്ര നടന്നത്. ചെണ്ടമേളവും, താലപ്പൊലിയും, ശിവപാര്‍വ്വതി നൃത്തവും, അമ്മന്‍ കുടവും ഘോഷയാത്രക്ക് മിഴിവേകിയപ്പോള്‍ വനിതാ സംഘാംഗങ്ങളുടെ ഭക്തി നൃത്തവും ശ്രദ്ധയാകര്‍ഷിച്ചു. ശ്രീകുമാര്‍ കളരിക്കല്‍ , പുത്തൂര്‍ പരമേശ്വരന്‍ നായര്‍, അഡ്വ  രാജേഷ് പല്ലാട്ട് ശിവന്‍കുട്ടി തുടങ്ങിയവര്‍ ചേര്‍ന്ന് ഘോഷയാത്രയെ ക്ഷേത്ര കവാടത്തില്‍ സ്വീകരിച്ചു. എട്ടാം ഉത്സവനാളില്‍ ഋഷഭ വാഹന എഴുന്നള്ളിപ്പും നടന്നു. വെള്ളിയാഴ്ച മകയിരം, തിരുവാതിര വഴിപാടും പള്ളി വേട്ടയും ശനിയാഴ്ച തിരുവാതിര നാളില്‍ തിരുവാറാട്ടും നടക്കും.