സൗദി അറേബ്യയില്‍ വാഹനാപകടത്തില്‍ മരണമടഞ്ഞ കിടങ്ങൂര്‍ മറ്റത്തില്‍ ജയ്‌സി മോള്‍ മാത്യുവിന് ബന്ധുമിത്രാദികളും നാട്ടുകാരും അന്ത്യാഞ്ജലിയര്‍പ്പിച്ചു. സംസ്‌കാര ശുശ്രൂഷകള്‍ കിടങ്ങൂര്‍ സെന്റ് മേരീസ് പള്ളി സെമിത്തേരിയില്‍ നടന്നു. ഒക്ടോബര്‍ 2 ന് സൗദി അറേബ്യ യിലുണ്ടായ വാഹനാപകടത്തിലാണ് കിടങ്ങൂര്‍ മറ്റത്തില്‍ ഫ്രെഡിയുടെ ഭാര്യ ജയ്‌സി മോള്‍ മരണമടഞ്ഞത് സൗദി ആരോഗ്യമന്ത്രാലത്തില്‍ ജീവനക്കാരായിരുന്ന ജയ്‌സി മോള്‍ ഉള്‍പ്പെടെ നാല് നഴ്‌സുമാരും, സൗദി പൌരനായ ഡ്രൈവറുമടക്കം 5 പേരാണ് മരണ മടഞ്ഞത്. ബുധനാഴ്ച പുലര്‍ച്ചെ കൊച്ചിയിലെത്തിച്ച മുതദേഹം തുടര്‍ന്ന് കിടങ്ങൂരിലെ വീട്ടിലേക്ക് എത്തിച്ചു. നിരവധിയാളുകളാണ് അന്ത്യാഞ്ജലി യ ര്‍പിക്കാന്‍ വീട്ടിലെത്തിയത് വീട്ടിലെ ശുശ്രൂഷകള്‍ക്ക് കോട്ടയം രൂപതാ മുന്‍ വികാരി ജനറാള്‍ മോണ്‍ മാത്യു ഇളപ്പാനി നേതൃത്വം നല്‍കി. വീട്ടിലും കിടങ്ങൂര്‍ സെന്റ് മേരീസ് ദേവാലയത്തിലും വന്‍ ജനാവലിയാണ് ജയ്‌സി മോള്‍ക്ക് അന്തിമോപചാരം അര്‍പ്പിക്കാന്‍ എത്തിയത്. മന്ത്രി മോന്‍സ് ജോസഫ് , ഫ്രാന്‍സിസ് ജോര്‍ജ് എംപി, മുന്‍ എംപി തോമസ് ചാഴികാടന്‍, ജില്ലാ പഞ്ചായത്ത് അംഗം ജോസ് മോന്‍ മുണ്ടക്കല്‍, കിടങ്ങൂര്‍ പഞ്ചായത്ത് പ്രസിഡന്റ് ഗീതാ സുരേഷ് , സ്റ്റീഫന്‍ ജോര്‍ജ് Ex MLA, തുടങ്ങിയവര്‍ അന്തിമോപചാരമര്‍പ്പിച്ചു വൈദികരും സന്യസ്തരും രാഷ്ട്രീയ സാമൂഹിക രംഗത്തെ നിരവധി ആളുകളും പങ്കെടുത്തു
0 അഭിപ്രായങ്ങള്‍