കോട്ടയം സോഷ്യല് സര്വ്വീസ് സൊസൈറ്റി നടപ്പിലാക്കുന്ന തൊഴില് നൈപുണ്യ വികസന പദ്ധതിയുടെ ഭാഗമായി 20 വനിതകള്ക്ക് തയ്യല് മെഷീന് യൂണിറ്റുകള് ലഭ്യമാക്കി. തെള്ളകം ചൈതന്യയില് സംഘടിപ്പിച്ച ചടങ്ങില് തയ്യല് മെഷീന് യൂണിറ്റുകളുടെ വിതരണോദ്ഘാടനം കോട്ടയം അതിരൂപത മലങ്കര സഹായ മെത്രാന് ഗിവര്ഗ്ഗീസ് മാര് അപ്രേം നിര്വ്വഹിച്ചു. കോട്ടയം ജില്ലാ പഞ്ചാത്ത് മെമ്പര് ഡോ. റോസമ്മ സോണി ചടങ്ങില് അദ്ധ്യക്ഷത വഹിച്ചു. കെ.എസ്.എസ്.എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, അതിരമ്പുഴ ഗ്രാമപഞ്ചായത്ത് വൈസ് പ്രസിഡന്റ് ആലീസ് ജോസഫ്, ബിന്സി സെബാസ്റ്റ്യന്, റ്റി. സി റോയി, സിസ്റ്റര് ഷീബ എസ്.വി.എം, സിസ്റ്റര് ആന്സലിന് എസ്.വി.എം, കെ.എസ്.എസ്.എസ് പ്രോഗ്രാം ഓഫീസര് സിജോ തോമസ് എന്നിവര് പ്രസംഗിച്ചു. ഉഷ കമ്പനിയുടെ മോട്ടറോടുകൂടിയ തയ്യല് മെഷീന് യൂണിറ്റുകളാണ് വിതരണം ചെയ്തത്.
.webp)
0 Comments