കരൂര്‍ പഞ്ചായത്ത് ഓഫീസിന് മുമ്പില്‍ കോണ്‍ഗ്രസിന്റെ നേതൃത്വത്തില്‍ കൂട്ടധര്‍ണ്ണ നടത്തി. ജല്‍ജീവന്‍ പദ്ധതി നടത്തിപ്പില്‍ കരൂര്‍ പഞ്ചായത്ത് ഭരണസമിതി നടത്തിയിട്ടുള്ള അഴിമതിയില്‍ പ്രനിഷേധിച്ച് നടത്തിയ ധര്‍ണ്ണ കെ.പി.സി.സി. മെമ്പര്‍ തോമസ് കല്ലാടന്‍ ഉദ്ഘാടനം ചെയ്തു. ജല്‍ ജീവന്‍പദ്ധതി ഉദ്ഘാടനവുമായി ബന്ധപ്പെട്ട് 74401 രൂപ പഞ്ചായത്ത് വിഹിതവും 90000 രൂപാ വാട്ടര്‍ അതോറിറ്റി അസിസ്റ്റന്റ് എഞ്ചിനീയറും, കരാര്‍ കോണ്‍ട്രാക്ടറില്‍ നിന്നും 110000 രൂപയും ഉള്‍പ്പെടെ 274401 രൂപ പിരിച്ചെടുത്തിട്ടുണ്ട്. എന്നാല്‍ ഈ തുകയുടെ നാലില്‍ ഒന്നുപോലും ചെലവാക്കാതെ ഏതാണ്ട് രണ്ട് ലക്ഷം രൂപാ ഭരണസമിതി അഴിമതിയിലൂടെ കൈവശപ്പെടുത്തിയിട്ടുള്ളതായി പഞ്ചായത്ത് കമ്മറ്റിയില്‍ ഉന്നയിക്കപ്പെട്ട ആരോപണത്തിന് ഭരണസമിതിക്ക് മറുപടി പറയുവാന്‍ കഴിഞ്ഞിട്ടില്ല. വസ്തുതകള്‍ ബോധ്യപ്പെടുത്തുന്നതിനുവേണ്ടി എത്തിയ ജല്‍ജീവന്‍ മിഷന്‍ കരാര്‍ ജീവനക്കാരെ പഞ്ചായത്ത് ഓഫീസില്‍ വച്ച് കഴുത്തിന് കുത്തിപ്പിടിച്ച് പുറത്താക്കിയ സി.പി.ഐ.(എം) നേതാക്കളുടെ നടപടികളില്‍ പ്രതിഷേധിച്ചു കൊണ്ടാണ് മണ്ഡലം കമ്മറ്റി പ്രതിഷേധ ധര്‍ണ്ണ നടത്തിയത്. യോഗത്തില്‍ കരൂര്‍ മണ്ഡലം കോണ്‍ഗ്രസ് പ്രസിഡന്റ് പയസ് മാണി അദ്ധ്യക്ഷത വഹിച്ചു. ബ്ലോക്ക് പ്രസിഡന്റ് എന്‍. സുരേഷ്, ഐ.എന്‍.ടി.യു.സി. നിയോജകമണ്ഡലം പ്രസിഡന്റ് രാജന്‍ കൊല്ലംപറമ്പില്‍, പഞ്ചായത്ത് മെമ്പര്‍ ലിസമ്മ ടോമി, എബ്രാഹം പൂവത്തിങ്കല്‍, മോഹന്‍കുമാര്‍ പുത്തന്‍പുരയില്‍, ടോമി പാറയില്‍, ബെന്നി കുറ്റിയാങ്കല്‍, രാമന്‍ പാമ്പനില്‍, രുഗ്മിണിയമ്മ തേക്കനാല്‍, ജോസ് കുഴികുളം, ഷാജി വലിയപറമ്പില്‍,, ടോമി അഴികണ്ണിക്കല്‍, ജോസുകുട്ടി മൂഴയില്‍, ജെയിംസ് മൈലാടൂര്‍,രാജേഷ് വെട്ടുകല്ലേല്‍, പ്രസാദ് ചെറുകര, ടോമി വട്ടക്കാനായില്‍, രാജേഷ് അമ്മിയാനിക്കല്‍, ബേബി വെള്ളൂര്‍ തുടങ്ങിയവര്‍ പ്രസംഗിച്ചു.
.webp)
.webp)
.webp)
0 Comments