സംസ്ഥാനത്ത് ഹയര്‍സെക്കന്ററി-വൊക്കേഷണല്‍ ഹയര്‍ സെക്കന്ററി പരീക്ഷാഫലം പ്രഖ്യാപിച്ചു.

സംസ്ഥാനത്ത് ഹയര്‍സെക്കന്ററി-വൊക്കേഷണല്‍  ഹയര്‍ സെക്കന്ററി പരീക്ഷാഫലം പ്രഖ്യാപിച്ചു. തിരുവനന്തപുരത്ത് വിദ്യാഭ്യാസ മന്ത്രി വി  ശിവന്‍കുട്ടി ഫല പ്രഖ്യാപനം നടത്തി. പരീക്ഷയെഴുതിയവരില്‍ 78.69 ശതമാനം പേര്‍ വിജയിച്ചു. വൊക്കേഷണല്‍ ഹയര്‍സെക്കന്‍ഡറിയില്‍ 71.42% പേര്‍ വിജയിച്ചു. 374755 റഗുലര്‍ വിദ്യാര്‍ത്ഥികളില്‍ 294888 പേര്‍ വിജയിച്ചു. സയന്‍സില്‍  84.84 ഹ്യൂമാനിറ്റീസില്‍ 67.09 കോമേഴ്‌സില്‍ 76.11 എന്നിങ്ങനെയാണ് വിജയ ശതമാനം. 39242 പേര്‍ ഫുള്‍ എ പ്ലസ് നേടി. 105 വിദ്യാര്‍ത്ഥികള്‍ 1200 ല്‍ 1200 മാര്‍ക്കും നേടി വിജയിച്ചു.

 63 സ്‌കൂളുകള്‍ നൂറുശതമാനം വിജയം നേടി . ഏറ്റവും കൂടുതല്‍ വിജയശതമാനം എറണാകുളം ജില്ലയിലാണ്. 84.12 ശതമാനം. ഏറ്റവും കുറവ് വയനാട് ജില്ലയിലാണ്.  72.13 ശതമാനം. സര്‍ക്കാര്‍ സ്‌കൂളുകള്‍ 75.06 ശതമാനം വിജയം നേടിയപ്പോള്‍ എയ്ഡഡ് സ്‌കൂളുകളില്‍ 67.09 ശതമാനം പേര്‍ വിജയിച്ചു. അണ്‍ എയ്ഡഡ് സ്‌കൂളുകളില്‍ 70.11 ശതമാനം പേര്‍ വിജയിച്ചു.