തെള്ളകം കാരിത്താസ് മാതാ ആശുപത്രിയില്‍ കുട്ടികള്‍ക്കായി വേനല്‍ക്കാല ക്യാമ്പ് ഏപ്രില്‍ 28, 29 തീയതികളില്‍ നടക്കും. 'ലക്ഷ്യ ദ്വിദിന' വേനല്‍കാല ക്യാമ്പ് മുന്‍ ഡിജിപി ഋഷിരാജ് സിംഗ് ഉദ്ഘാടനം ചെയ്യും. എട്ടാം ക്ലാസ്സുമുതല്‍ പന്ത്രണ്ടാം ക്ലാസ്സുവരെയുള്ള കുട്ടികള്‍ക്കായാണ് ക്യാമ്പ് സംഘടിപ്പിച്ചിരിക്കുന്നത്.
ഡോക്ടര്‍മാര്‍ , നിരവധി മേഖലയിലെ സാമൂഹിക -സാംസ്‌കാരിക പ്രവര്‍ത്തകര്‍ എന്നിവര്‍ രണ്ട് ദിവസം നീണ്ടു നില്‍ക്കുന്ന ക്യാമ്പില്‍ വിവിധ വിഷയങ്ങളെ അധികരിച്ച് ക്ലാസുകള്‍ നയിക്കും. വിവിധ കലാ - കായിക പരിപാടികളും ക്യാമ്പില്‍ ഉള്‍പ്പെടുത്തിയിട്ടുണ്ട്. 100 രൂപയാണ് രജിസ്ട്രേഷന്‍ ഫീസ്. കാരിത്താസ് എഡ്യുസിറ്റി കാമ്പസിലാണ് ക്യാമ്പ് നടക്കുക. ഏറ്റുമാനൂര്‍ നഗരസഭയുമായി ചേര്‍ന്നാണ് ഈ വേനല്‍ക്കാല ക്യാമ്പ് സംഘടിപ്പിച്ചിരിക്കുന്നത്. കൂടുതല്‍ വിവരങ്ങള്‍ക്ക് 9037947246 എന്ന നമ്പറില്‍ ബന്ധപ്പെടുക.
.webp)
.webp)
0 Comments