ഏറ്റുമാനൂര്‍ മഹാദേവ ക്ഷേത്രത്തില്‍ തിങ്കള്‍, ചൊവ്വ ദിവസങ്ങളിലായി നടത്തുവാനിരുന്ന സഹസ്ര കലശം മാറ്റിവെച്ചു.

ഏറ്റുമാനൂര്‍ മഹാദേവ ക്ഷേത്രത്തില്‍ തിങ്കള്‍, ചൊവ്വ ദിവസങ്ങളിലായി
 നടത്തുവാനിരുന്ന സഹസ്ര കലശം മാറ്റിവെച്ചു. ഒരു ഭക്തന്‍ വഴിപാടായി നടത്തുന്ന സഹസ്രകലശത്തിന് ആവശ്യമായ ഒരുക്കങ്ങള്‍ നടത്തിയിരുന്നു. ഇതിനായി ക്ഷേത്ര മതില്‍ക്കെട്ടിനുള്ളില്‍ പ്രത്യേകം തറ കെട്ടി പന്തല്‍ ഒരുക്കുകയും ചെയ്തിരുന്നു.  കലശക്കു ടങ്ങളടക്കമുള്ള സാമഗ്രികളും  എത്തിച്ചിരുന്നു. കഴിഞ്ഞ ദിവസം ഉണ്ടായ ശക്തമായ കാറ്റിലും മഴയിലും പന്തല്‍ തകര്‍ന്നു വീണതിനെ തുടര്‍ന്ന്  സഹസ്ര കലശം മാറ്റി വയ്ക്കാന്‍  തീരുമാനമെടുക്കുകയായിരുന്നു. തന്ത്രിയുടെ നിര്‍ദ്ദേശ പ്രകാരം പുതുക്കിയ തീയതി നിശ്ചയിക്കും.