പ്രായപൂര്‍ത്തിയാകാത്ത പെണ്‍കുട്ടിയുടെ നേരെ ലൈംഗിക അതിക്രമം നടത്തിയ പ്രതിക്ക് 11 വര്‍ഷവും 3 മാസവും കഠിനതടവും 70500/- രൂപ പിഴയും

പ്രായപൂര്‍ത്തിയാകാത്ത അയല്‍വാസിയായ പെണ്‍കുട്ടിയുടെ നേരെ  ലൈംഗിക അതിക്രമം  നടത്തിയ കേസിലെ പ്രതി  കോട്ടയം ജില്ലയില്‍, രാമപുരം വില്ലേജില്‍   പള്ളിയാമ്പുറം  ഭാഗത്തു നെടുംതൊട്ടിയില്‍ വീട്ടില്‍ രാജേന്ദ്രന്‍ മകന്‍  56 വയസ്സുള്ള ഷാജി എന്നയാളെ  11 വര്‍ഷവും 3 മാസവും കഠിന തടവിനും,70,500/-  രൂപ പിഴയും ബഹുമാനപ്പെട്ട ഈരാറ്റുപേട്ട  ഫാസ്റ്റ് ട്രാക്ക് സ്‌പെഷ്യല്‍ കോടതി (POCSO) ജഡ്ജ്  റോഷന്‍ തോമസ്  വിധിച്ചു . പ്രതി പിഴ അടച്ചാല്‍ 60,000/- രൂപ അതിജീവിതയ്ക്ക്  നല്‍കുന്നതിനും ഉത്തരവായിട്ടുണ്ട്. ഇന്ത്യന്‍ ശിക്ഷാനിയമത്തിലെയും പോക്‌സോ നിയമത്തിലെയും വിവിധ വകുപ്പുകള്‍ പ്രകാരമാണ്   ശിക്ഷ വിധിച്ചത്.  22/5/24 ല്‍ ആയിരുന്നു കേസിന് ആസ്പദമായ സംഭവംനടന്നത്. രാമപുരം  പോലീസ് സ്റ്റേഷന്‍ SI ആയിരുന്ന    വില്‍സണ്‍  V.P FIR രജിസ്റ്റര്‍ ചെയ്തു പ്രതിയെ അറസ്റ്റ് ചെയ്ത കേസില്‍  രാമപുരം SHO ആയിരുന്ന ഉണ്ണികൃഷ്ണന്‍. K. തുടരന്വേഷണം പൂര്‍ത്തിയാക്കി.പ്രതിയുടെ പേരില്‍ കുറ്റപത്രം തയ്യാറാക്കി കോടതിയില്‍ സമര്‍പ്പിച്ചു. പ്രോസിക്യൂഷന്‍ ഭാഗത്തുനിന്നും 14 സാക്ഷികളെയും 15 പ്രമാണങ്ങളും ഹാജരാക്കിയ കേസില്‍  പ്രോസിക്യൂഷന് വേണ്ടി സ്‌പെഷ്യല്‍ പബ്ലിക് പ്രോസിക്യുട്ടര്‍  Adv. ജോസ് മാത്യു തയ്യില്‍ ഹാജരായി.