സൗജന്യ കാന്‍സര്‍ ബോധവല്‍ക്കരണ ക്ലാസ്സുകളുടെയും സ്തനാര്‍ബുദ പരിശോധനയുടെയും സമാപനം

പാലാ രൂപതയുടെ പ്ലാറ്റിനം ജൂബിലി, മാര്‍ സ്ലീവാ മെഡിസിറ്റിയുടെ അഞ്ചാം വാര്‍ഷികം എന്നിവയോടനുബന്ധിച്ച് നടപ്പാക്കുന്ന സാമൂഹിക ക്ഷേമ പദ്ധതികളുടെ ഭാഗമായി  മാതൃവേദിയുമായി സഹകരിച്ച് നടത്തിയ സൗജന്യ കാന്‍സര്‍ ബോധവല്‍ക്കരണ ക്ലാസ്സുകളുടെയും  സ്തനാര്‍ബുദ പരിശോധനയുടെയും സമാപനം  കുറിച്ചിത്താനം സെന്റ് തോമസ് ചര്‍ച്ചില്‍ നടന്നു.  സമാപന സമ്മേളനം മാര്‍ സ്ലീവാ മെഡിസിറ്റി മാനേജിംഗ് ഡയറക്ടര്‍ മോണ്‍.ഡോ.ജോസഫ് കണിയോടിക്കല്‍ ഉദ്ഘാടനം ചെയ്തു. 

പാലാ രൂപത മാതൃവേദി പ്രസിഡന്റ് ഷേര്‍ളി ചെറിയാന്‍ അധ്യക്ഷയായിരുന്നു. കുറിച്ചിത്താനം പള്ളി വികാരി റവ.ഫാ. ഇഗ്‌നേഷ്യസ് നടുവിലേക്കൂറ്റ് അനുഗ്രഹ പ്രഭാഷണം നടത്തി. പാലാ രൂപത മാതൃവേദി ഡയറക്ടര്‍ റവ. ഫാ. ജോസഫ് നരിതൂക്കില്‍ മുഖ്യപ്രഭാഷണം നടത്തി.കുറവിലങ്ങാട് മേഖലാ ജോയിന്റ് ഡയറക്ടര്‍ സിസ്റ്റര്‍ ആന്‍സില, മാര്‍ സ്ലീവാ മെഡിസിറ്റി ഓങ്കോളജി വിഭാഗം മേധാവി ഡോ.റോണി ബെന്‍സണ്‍, മാതൃവേദി കുറവിലങ്ങാട് മേഖല പ്രസിഡന്റ് ജോമി ഷൈജു, മാതൃവേദി ഗ്ലോബല്‍ സെക്രട്ടറി സിജി ലൂക്‌സണ്‍ എന്നിവര്‍ പ്രസംഗിച്ചു. എസ്.എം.വൈ.എമ്മിന്റെ നേതൃത്വത്തില്‍ ഫ്‌ലാഷ് മൊബും അവതരിപ്പിച്ചു.