പാലാ കെ.എം.മാണി സ്മാരക ഗവ.ജനറല്‍ ആശുപത്രിയില്‍ ജീവിതശൈലി രോഗനിര്‍ണ്ണയത്തിനും ചികിത്സകള്‍ക്കുമായി '360 ഡിഗ്രി മെറ്റബോളിക് ഡിസീസ് മാനേജ്‌മെന്റ് സെന്റര്‍ തുറന്നു. ജോസ് K മാണി MP ഉദ്ഘാടനം നിര്‍വഹിച്ചു. ജനറല്‍ ആശുപത്രിയിലെ ക്യാന്‍സര്‍ ചികിത്സാ കേന്ദ്രത്തിന്റെ സമഗ്രവികസന പദ്ധതി ഉടന്‍ നടപ്പാക്കുമെന്ന് MP പറഞ്ഞു.
12 കോടി രൂപയുടെ സ്‌കാനിംഗ് ഉപകരണങ്ങള്‍ ഉടന്‍ ലഭ്യമാക്കും. സംസ്ഥാന സര്‍ക്കാരിന്റെ നേതൃത്വത്തില്‍ ജീവിതശൈലി രോഗലക്ഷണങ്ങള്‍ ഗുരുതരമാകും മുന്‍പ് സങ്കീര്‍ണ്ണതകള്‍ തിരിച്ചറിഞ്ഞ് പ്രാരംഭ ദിശയില്‍ കണ്ടെത്തി ചികിത്സ ഒരുക്കാന്‍ ഒരുക്കിയിട്ടുള്ള സംവിധാനമാണിത്. പ്രമേഹം, ഹൃദ്‌രോഗം, കാന്‍സര്‍ അടക്കമുള്ള ജീവിതശൈലി രോഗങ്ങളും, ഭക്ഷണംക്രമം നിശ്ചയിക്കല്‍, മാനസികാരോഗ്യം എന്നിവയും ഇതുവഴി തുടക്കത്തില്‍ തന്നെ കണ്ടെത്തി ചികിത്സ ഒരുക്കാന്‍ ഈ കേന്ദ്രം വഴി സാധിക്കും. നഗരസഭയ്ക്ക് ലഭിച്ച ഹെല്‍ത്ത് ഗ്രാന്‍ഡ് 43ലക്ഷം രൂപ വിനിയോഗിച്ചാണ് ചികിത്സാ വിഭാഗം പ്രവര്‍ത്തനം ആരംഭിക്കുന്നത്. ജീവിതശൈലി രോഗ പരിശോധനകളെ ഒരു കുടക്കീഴിലാക്കുന്നതിന്റെ ഭാഗമായി സംസ്ഥാനത്ത് ഉടനീളം നടപ്പിലാക്കുന്ന പദ്ധതിയുടെ ഭാഗമായാണ് പാലാ ജനറല്‍ ആശുപത്രിയെയും ഉള്‍പ്പെടുത്തിയിരിക്കുന്നത്. പ്രമേഹം പോലുള്ള ജീവിതശൈലി രോഗങ്ങള്‍ സാര്‍വത്രികമായി മാറുന്ന ഈ കാലഘട്ടത്തില്‍ രോഗം പ്രാരംഭദിശയില്‍ത്തന്നെ കണ്ടെത്തി ചികിത്സ ഉറപ്പാക്കുകയാണ് നോണ്‍ കമ്മ്യൂണിക്കബിള്‍ ഡിസീസ് കെയര്‍സെന്ററിന്റെ ലക്ഷ്യം. ഇവിടെ ഡയബറ്റിക് ഫ്യൂട്ട്, റെറ്റിനോപ്പതി, നെഫ്രോപ്പതി എന്നിവയില്‍ അടിസ്ഥാന രോഗനിര്‍ണ്ണയങ്ങളും ചികിത്സയും ലഭ്യമാക്കുന്നതിനോടൊപ്പം ഡയറ്റ്, പുകവലി നിര്‍ത്തല്‍ എന്നിവയ്ക്കായി കൗണ്‍സിലിംഗും മെഡിക്കല്‍ കണ്‍സള്‍ട്ടേഷനും സൗകര്യം ഏര്‍പ്പെടുത്തിയിട്ടുണ്ട്.ഇതിലേയ്ക്ക് ഡോക്ടര്‍, നഴ്‌സ് മറ്റു ജീവനക്കാര്‍ എന്നിവരെയും നിയമിച്ചിട്ടുണ്ട്. ബയോ ടെസ്റ്റിയോ മീറ്റര്‍, ഹാന്‍സ് ഹെല്‍ഡ് ഡോപ്പര്‍, മെട്രിയാടിക് ക്യാമറ, മിനി സൈറോ മീറ്റര്‍ എന്നീ ഉപകരണങ്ങളും എത്തിച്ചിട്ടുണ്ട്. ഉദ്ഘാടന സമ്മേളനത്തില്‍ നഗരസഭാ ചെയര്‍മാന്‍ തോമസ് പീറ്റര്‍ അദ്ധ്യക്ഷനായിരുന്നു.12 കോടി രൂപയുടെ സ്‌കാനിംഗ് ഉപകരണങ്ങള്‍ ഉടന്‍ ലഭ്യമാക്കുമെന്ന് അദ്ദേഹം പറഞ്ഞു. ഇതിനായുള്ള ചര്‍ച്ചകളും പരിശോധന ആശുപത്രി സൂപ്രണ്ട് ഡോ. ടി.പി.അഭിലാഷ്,നഗരസഭാ വൈസ് ചെയര്‍പേഴ്‌സണ്‍ ബിജി ജോജോ ,സാവിയോ കാവുകാട്ട്, ജോസ് ചീരാംകുഴി, മാനേജിംഗ് കമ്മിറ്റി അംഗങ്ങളായ പ്രൊഫ.സതീഷ് ചൊള്ളാനി, സജേഷ് ശശി, ബിജു പാലൂപവന്‍, പി.കെ.ഷാജകുമാര്‍, ജോസ് കുറ്റിയാനിമറ്റം, ജയ്‌സണ്‍ മാന്തോട്ടം, എന്‍.രവികുമാര്‍ ,പീറ്റര്‍ പന്തലാനി ,ആര്‍.എം.ഒ, ഡോ.എം.അരുണ്‍, ഡോ: രേഷ്മാ സുരേഷ് എന്നിവര്‍ പ്രസംഗിച്ചു.
.jpg)
0 Comments