എസ്എന്‍ഡിപി യോഗം കടുത്തുരുത്തി, മീനച്ചില്‍ യൂണിയനുകളുടെ ആഭിമുഖ്യത്തില്‍ ശാഖാതല നേതൃസംഗമം ആഗസ്റ്റ് 16ന് രാമപുരത്ത് നടക്കും. ശനിയാഴ്ച രാവിലെ 9 മുതല്‍ രാമപുരം മൈക്കിള്‍ പ്ലാസ്സാ കണ്‍വെന്‍ഷന്‍ സെന്ററില്‍ നടക്കുന്ന കണ്‍വന്‍ഷനില്‍ 2200 ഓളം പ്രതിനിധികള്‍ പങ്കെടുക്കുമെന്ന് കടുത്തുരുത്തി, മീനച്ചില്‍ യൂണിയനുകളുടെ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
ശാഖ ഭാരവാഹികള്‍, വനിതാ സംഘം ഭാരവാഹികള്‍, യൂത്ത് മൂവ്‌മെന്റ് ഭാരവാഹികള്‍, കുടുംബ യൂണിറ്റ് ഭാരവാഹികള്‍,മറ്റ് പോഷക സംഘടന നേതാക്കള്‍, തുടങ്ങിയവരാണ് നേതൃസംഗമത്തില്‍ പങ്കെടുക്കുന്നത്. നേതൃസംഗമം എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ ഉദ്ഘാടനം ചെയ്യും. പ്രസിഡന്‍ള് എം.എന്‍. സോമന്‍, വൈസ് പ്രസിഡന്റ് തുഷാര്‍ വെള്ളാപ്പള്ളി, ദേവസ്വം സെക്രട്ടറി അരയക്കണ്ടി സന്തോഷ് എന്നിവര്‍ സംസാരിക്കും. നേതൃ സംഗമത്തിന്റെ ഒരുക്കങ്ങള്‍ പൂര്‍ത്തിയായതായി യൂണിയന്‍ ഭാരവാഹികള്‍ അറിയിച്ചു. സി.എം ബാബു,ഒ.എം.സുരേഷ് ഇട്ടിക്കുന്നേല്‍,പ്രസാദ് ആരിശ്ശേരി, സജീവ് വയലാ, അനീഷ് പുല്ലുവേലി, സി.റ്റി രാജന്‍, കെ.ജി സാബു കൊടൂര്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
0 Comments