ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി കരൂര്‍ പഞ്ചായത്തിലെ കരൂര്‍ വാര്‍ഡില്‍ വനിതാ തൊഴില്‍ പരിശീലന കേന്ദ്രത്തിനായി നിര്‍മ്മിച്ച പുതിയ കെട്ടിടം ഉദ്ഘാടനം ചെയ്തു. ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ കെട്ടിടത്തിന്റെ ഉദ്ഘാടനം നിര്‍വ്വഹിച്ചു. രാജീവ് നഗര്‍ പട്ടികജാതി പട്ടികവര്‍ഗ്ഗ കോളനിയോട് അനുബന്ധിച്ച് പന്ത്രണ്ട് ലക്ഷം രൂപ ഉപയോഗിച്ചാണ് കെട്ടിടം നിര്‍മ്മിച്ചിരിക്കുന്നത്. കുടുംബശ്രീ സംരംഭങ്ങള്‍ക്കും, പട്ടികജാതി, പട്ടിക വര്‍ഗ്ഗ വിഭാഗത്തില്‍പ്പെട്ടവരുടെ ഉന്നമനത്തിനും ഉപകരിക്കുന്ന പദ്ധതികള്‍ ഇവിടെ ആരംഭിക്കാന്‍ കഴിയും.
രണ്ട് നിലകളുള്ള കെട്ടിടത്തില്‍ പഞ്ചായത്ത് തല യോഗങ്ങള്‍, ഗ്രാമസഭകള്‍ ,സ്വകാര്യ, പൊതു ചടങ്ങുകള്‍ എന്നിവയ്ക്കും ഉപയോഗിക്കാനാകും. പഞ്ചായത്ത് പ്രസിഡന്റ് അനസ്യ രാമന്‍ ചടങ്ങില്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പര്‍ ലിസമ്മ ബോസ് പഞ്ചായത്ത് മെമ്പര്‍ അഖില അനില്‍കുമാര്‍, ഫ്രാന്‍സിസ് മൈലാടൂര്‍ ,കുഞ്ഞുമോന്‍ മാടപ്പാട്ട്, തങ്കച്ചന്‍ ചേലക്കല്‍, തങ്കച്ചന്‍ പാലക്കാകുന്നേല്‍, ബാബുരാജ് പുതിയകുളം ,അലക്‌സ് കുര്യന്‍ തുടങ്ങിയവര്‍ പ്രസംഗിച്ചു.
0 Comments