ബസും ബൈക്കും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു. നെടുമണ്ണി കിഴക്കേമുട്ടം പ്രിന്‍സണ്‍ ജോണ്‍സണ്‍ (18) ആണ് മരിച്ചത്. കറുകച്ചാല്‍ - മണിമല റോഡില്‍ നെടുംകുന്നം
കോവേലിയില്‍ തിങ്കളാഴ്ച്ച രാവിലെ 9.30 ന് നടന്ന അപകടത്തിലാണ് ബൈക്ക് യാത്രികന്‍ മരണപ്പെട്ടത്.
ആങ്ങമൂഴിയില്‍ നിന്നും കോട്ടയത്തിനുപോയ ബസും, നെടുംകുന്നം ഭാഗത്തുനിന്നും നെടുമണ്ണിക്കുപോയ ബൈക്കും തമ്മില്‍ കുട്ടിയിടിച്ചായിരുന്നു അപകടം. ഉടന്‍ തന്നെ നാട്ടുകാര്‍ പരിക്കേറ്റ യുവാവിനെ കറുകച്ചാലിലെ സ്വകാര്യ ആശുപത്രിയിലും, തുടര്‍ന്ന് കോട്ടയം മെഡിക്കല്‍ കോളേജിലും പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
0 Comments