ഇലക്ട്രിക് ചാര്‍ജിംഗ് സ്റ്റേഷന്‍ കാടുകയറിയ നിലയില്‍. പാലാ തൊടുപുഴ റോഡില്‍ മുണ്ടാങ്കല്‍ ജംഗ്ഷന് സമീപമുള്ള ഇലക്ട്രിക് പോസ്റ്റില്‍ സ്ഥാപിച്ചിരിക്കുന്ന ചാര്‍ജിംഗ് പോയിന്റും പരിസരവുമാണ് കാടുകയറി കിടക്കുന്നത്. ഇവിടെ വാഹനങ്ങള്‍ക്ക് ചാര്‍ജ് ചെയ്യാന്‍ പറ്റാത്ത സാഹചര്യമാണ് ഇപ്പോഴുള്ളത്. ഇലക്ട്രിക് വാഹനം ഉപയോഗിക്കുന്നവരുടെ എണ്ണം വര്‍ദ്ധിച്ചതോടെയാണ് കെ എസ് ഇ ബി ഇലക്ട്രിക് വെഹിക്കിള്‍ ചാര്‍ജിങ് പോയിന്റ് സ്ഥാപിച്ചത്. നിലവില്‍ കാട് വളര്‍ന്ന് ഇവിടെ ചാര്‍ജിങ് പോയിന്റ് ഉണ്ട് എന്ന് പോലും അറിയാന്‍ കഴിയാത്ത നിലയിലാണ്. കാടുകള്‍ വെട്ടിത്തെളിച്ച് ഇലക്ട്രിക് ചാര്‍ജിങ് പോയിന്റ് ജനങ്ങള്‍ക്ക് ഉപകരിക്കുന്ന വിധത്തില്‍ ക്രമീകരിക്കാനുള്ള നടപടികള്‍ അധികൃതരുടെ ഭാഗത്തുനിന്ന് ഉണ്ടാവണമെന്നാണ് ആവശ്യമുയുന്നത്.
.jpg)
0 Comments