ശുചിത്വ സന്ദേശ റാലി സംഘടിപ്പിച്ചു

പാലാ നഗരസഭയില്‍ സ്വച്ഛതാ ഹി സേവ 2025 ക്യാമ്പയിന്റെ ഭാഗമായി ശുചിത്വ സന്ദേശ റാലി സംഘടിപ്പിച്ചു. പാലാ കുരിശുപള്ളിക്കവലയില്‍ നിന്ന് ആരംഭിച്ച ശുചിത്വ സന്ദേശ റാലിയില്‍  എം.ജി ഹയര്‍ സെക്കണ്ടറി സ്‌കൂള്‍, സെന്റ് മേരീസ് ഹൈസ്‌കൂള്‍ എന്നിവിടങ്ങളിലെ സ്‌കൗട്ട് ആന്റ് ഗൈഡ്സ് വോളണ്ടിയര്‍മാര്‍, ആശ പ്രവര്‍ത്തകര്‍, ഹരിത കര്‍മ്മസേന അംഗങ്ങള്‍, കുടുംബശ്രീ പ്രവര്‍ത്തകര്‍, ആരോഗ്യ പ്രവര്‍ത്തകര്‍ തുടങ്ങിയവര്‍ പങ്കെടുത്തു. നഗരസഭാ ചെയര്‍മാന്‍ തോമസ് പീറ്റര്‍ മുഖ്യ ശുചിത്വ സന്ദേശം നല്കി. നഗരസഭ വൈസ് ചെയര്‍പേഴ്സണ്‍ ബിജി ജോജോ അദ്ധ്യക്ഷത വഹിച്ചു. 

ക്ലീന്‍ സിറ്റി മാനേജര്‍ ആറ്റ്‌ലി പി. ജോണ്‍ വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ സാവിയോ കാവുകാട്ട് , ആരോഗ്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ലിസിക്കുട്ടി മാത്യു, കൗണ്‍സിലര്‍മാരായ ബൈജു കൊല്ലംപറമ്പില്‍, നീന ജോര്‍ജ്ജ് ചെറുവള്ളില്‍, ആനി ബിജോയി, ഷാജു വി. തുരുത്തന്‍ സീനിയര്‍ പബ്ലിക് ഹെല്‍ത്ത് ഇന്‍സ്‌പെക്ടര്‍മാരായ അനീഷ് സി.ജി., ഉമേഷിത പി.ജി., പബ്ലിക് ഹെല്‍ത്ത് ഇന്‍സ്‌പെക്ടര്‍മാരായ രഞ്ജിത് ആര്‍. ചന്ദ്രന്‍, സോണി ബാബു സി, സോണിമോള്‍ ഇ.പി., മഞ്ജു മോഹന്‍, മഞ്ജുത മോഹന്‍, ശുചിത്വമിഷന്‍ റിസോഴ്സ് പേഴ്‌സണ്‍ ഡോ: ഗീതാദേവി റ്റി.വി., കെ.എസ്.ഡബ്ല്യു.എം.പി. എഞ്ചിനീയര്‍ ശുശ്രുതി എസ്. നായര്‍, 52 ജനറല്‍ ഹോസ്പിറ്റല്‍ പി.ആര്‍.ഒ. രേഷ്മ സുരേഷ്, കുഞ്ഞബ്ദുള്ള എ. തുടങ്ങിയവര്‍ നേതൃത്വം നല്കി. ഒക്ടോബര്‍ രണ്ട് വരെ നീളുന്ന സ്വച്ഛോത്സവത്തില്‍ വിവിധ തരത്തിലുള്ള മാലിന്യ സംസ്‌ക്കരണ ബോധവത്കരണ പരിപാടികളാണ് ആവിഷ്‌ക്കരിച്ചു നടപ്പാക്കി വരുന്നത്.