25 ഇനം മരച്ചീനികള്‍ നട്ടുവളര്‍ത്തി ഉഴവൂര്‍, അരീക്കര ആറുകാക്കല്‍ യദുകൃഷ്ണ ശ്രദ്ധ നേടുന്നു. പത്താം ക്ലാസുകാരനായ യദുവിന്റെ കപ്പ കൃഷിയില്‍ പഴയതും പുതിയതുമായ ഇനങ്ങളുണ്ട്. , ' ആമ്പകാടന്‍, സിലോണ്‍, രാമന്‍, മലബാര്‍, കമ്പോടിയന്‍, ജര്‍മ്മന്‍, സ്‌പെയിന്‍ മരിയ,ഏത്തകപ്പ, മഞ്ഞകപ്പ, വല്ലഭന്‍, ശ്രീസ്വര്‍ണ്ണ, ശ്രീരക്ഷ, ശ്രീവിശാഖം, ശ്രീഉത്രാടം, കേരള ശ്രീ, ചിനികിഴങ്ങുകപ്പ ഉണ്ടകപ്പ, വെള്ളായിനി ഹ്രസ്വ, കറുത്ത മിസ്ച്ചര്‍, വെളുത്ത മിസ്ച്ചര്‍, ചാലക്കുടി, മുതലായവയെല്ലാം യദു നട്ടുവളര്‍ത്തിയിട്ടുണ്ട്.
കപ്പയുടെ തണ്ടുകള്‍ നല്‍കിയത് മുത്തോലി പഞ്ചായത്തിലെ കര്‍ഷകനായ തോപ്പില്‍ ഷൈബു തോമസാണ്. മുത്തോലി ഗ്രാമപഞ്ചായത്തംഗം nk ശശി കുമാര്‍ സഹായങ്ങളും നിര്‍ദ്ദേശങ്ങളും നല്‍കി. സ്ഥലം പാട്ടത്തിന് എടുത്താണ് കപ്പ നട്ടു പിടിപ്പിച്ചിരിക്കുന്നത്. ഉഴവൂര്‍ OLL HSS 10 -ാം ക്ലാസ്സ് വിദ്യാര്‍ത്ഥിയായ യദുവിന്റെ കൃഷികളില്‍ ഏത്ത, ഞാലിപൂവന്‍, പൂവന്‍, റോബല്റ്റ, കദളി, ചെങ്കദളി, ചുണ്ടില്ലാന്‍, പാളയം കോടന്‍, മലവാഴ, മഞ്ചേരികുള്ളന്‍, തുടങ്ങിയ വാഴകളും ഉള്‍പ്പെടുന്നു. അച്ഛന്‍ വിനോദ് ശാന്തിയും കവയിത്രി കൂടിയായ അമ്മ സുജിതയും, യദുവിന് കൃഷി ചെയ്യാന്‍ പിന്തുണയും സഹായവും നല്‍കുന്നു.
0 Comments