ഫയര്‍ഫോഴ്‌സിന്റെ വാഹനം നിയന്ത്രണം വിട്ട് കാറിന്റെ പിന്‍ഭാഗത്ത് ഇടിച്ചു കയറി.

ഫയര്‍ഫോഴ്‌സിന്റെ വാഹനം നിയന്ത്രണം വിട്ട് റോഡ് അരികില്‍ നിര്‍ത്തിയിട്ടിരുന്ന കാറിന്റെ പിന്‍ഭാഗത്ത്  ഇടിച്ചു കയറി.  ഈരാറ്റുപേട്ടയില്‍ നിന്നും ഭരണങ്ങാനം ഭാഗത്തേക്ക് പോവുകയായിരുന്നു ഫയര്‍ഫോഴ്‌സ് വാഹനമാണ് അപകടത്തില്‍ പെട്ടത്. 

ഭരണങ്ങാനം ഭാഗത്ത് മറിഞ്ഞു വീണ മരം വെട്ടി മാറ്റാനായി പോകുകയായിരുന്ന ഫയര്‍ഫോഴ്‌സ് വാഹനമാണ് അമ്പാറയില്‍  നിര്‍ത്തിയിട്ടിരുന്ന കാറില്‍ ഇടിച്ചത്. കാറില്‍ ഉണ്ടായിരുന്ന ഒരു സ്ത്രീയെ പരിക്കുകളോടെ ആശുപത്രിയില്‍ പ്രവേശിപ്പിച്ചു. ഉച്ചകഴിഞ്ഞ് മൂന്നു മണിയോടെയാണ്അപകടമുണ്ടായത്.