പാമ്പൂരാംപാറ ജലനിധി കുടിവെള്ള പദ്ധതിയുടെ ഉദ്ഘാടനം നടന്നു

ഭരണങ്ങാനം പഞ്ചായത്തിലെ പാമ്പൂരാംപാറ ജലനിധി കുടിവെള്ള പദ്ധതിയുടെ ഓവര്‍ ഹെഡ് ടാങ്ക് ജോസ് K മാണി MP ഉദ്ഘാടനം ചെയ്തു. ജല ജീവന്‍ മിഷന്‍ പദ്ധതിയിലൂടെ കേരളത്തില്‍ സമ്പൂര്‍ണ്ണ കുടിവെള്ള ലഭ്യത ഉറപ്പാക്കാന്‍ കഴിയുമെന്ന് ജോസ് കെ മാണി എം.പി പറഞ്ഞു.ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ അനുവദിച്ച ഫണ്ട് ഉപയോഗിച്ചാണ് പാമ്പൂരാം പാറയില്‍ പുതുതായി  ഓവര്‍ ഹെഡ് ടാങ്ക് നിര്‍മ്മിച്ചത്. അറുപതിനായിരം ലിറ്റര്‍ സംഭരണശേഷിയുള്ള ടാങ്കാണ് നിര്‍മ്മിച്ചിരിക്കുന്നത്. 

ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ യോഗത്തില്‍ അധ്യക്ഷത വഹിച്ചു. പഞ്ചായത്ത് പ്രസിഡന്റ് ബീന ടോമി മുഖ്യ പ്രഭാഷണം നടത്തി. ഫാദര്‍ ജോസഫ് വടകര അനുഗ്രഹ പ്രഭാഷണം നടത്തി. പഞ്ചായത്ത് മെമ്പര്‍മാരായ അനുമോള്‍ മാത്യു, ജോസുകുട്ടി അമ്പലമറ്റം,ലിന്‍സി സണ്ണി, രാഹുല്‍ ജി കൃഷ്ണന്‍ വിവിധ രാഷ്ട്രീയ പാര്‍ട്ടി നേതാക്കന്മാരായ ടി. ആര്‍ ശിവദാസ് , ടോമി മാത്യു, ഔസേപ്പച്ചന്‍ വാളിപ്ലാക്കല്‍, സോബിച്ചന്‍ ചൊവ്വാറ്റു കുന്നേല്‍ കുടിവെള്ള പദ്ധതി പ്രസിഡന്റ് ഷിജോ സെബാസ്റ്റ്യന്‍, സെക്രട്ടറി മിനോജ് ആന്റണി തുടങ്ങിയവര്‍ പ്രസംഗിച്ചു.  മടത്തി പറമ്പില്‍ കെ.എസ് തങ്കപ്പന്‍ ആചാരിയുടെ കുടുംബം സൗജന്യമായി നല്‍കിയ  സ്ഥലത്താണ് ഓവര്‍ഹെഡ് ടാങ്ക് നിര്‍മ്മിച്ചിരിക്കുന്നത്.150 കുടുംബങ്ങളാണ് പാമ്പൂരാംപാറ ജലനിധി പദ്ധതിയില്‍ ഉള്‍പ്പെട്ടിരിക്കുന്നത്.