പ്രവിത്താനം സെന്റ് മൈക്കിള്‍സ് ഹയര്‍ സെക്കന്‍ഡറി സ്‌കൂളില്‍ ലിറ്റില്‍ കൈറ്റ്‌സ് 2024- 27 ബാച്ച് അംഗങ്ങളായ യൂണിറ്റ് അംഗങ്ങള്‍ക്ക് ഏകദിന ക്യാമ്പ് നടന്നു. കോട്ടയം ജില്ലാ പഞ്ചായത്ത് മെമ്പര്‍ രാജേഷ് വാളിപ്ലക്കല്‍ ക്യാമ്പ് ഉദ്ഘാടനം ചെയ്തു. ഹൈസ്‌കൂളിലെ അഭിരുചിയുള്ള വിദ്യാര്‍ത്ഥികളെ എട്ടാം ക്ലാസില്‍ തന്നെ കണ്ടെത്തി അവര്‍ക്ക് ഇന്‍ഫര്‍മേഷന്‍ ടെക്‌നോളജിയുടെ വിവിധ പാഠങ്ങളിലൂടെയും പ്രവര്‍ത്തനങ്ങളിലൂടെയും കടന്നുപോകാനുള്ള അവസരമാണ് ലിറ്റില്‍ കൈറ്റ്‌സ് ക്ലബ്ബ് ഒരുക്കുന്നത്. ക്ലബ്ബ് അംഗങ്ങളുടെ മൂന്നുവര്‍ഷത്തെ പ്രവര്‍ത്തനങ്ങളുടെ അടിസ്ഥാനത്തില്‍ എസ്. എസ്. എല്‍. സി. പരീക്ഷയില്‍ അവര്‍ക്ക് ഗ്രേസ് മാര്‍ക്കിനും അര്‍ഹതയുണ്ട്. ഹെഡ്മാസ്റ്റര്‍ ജിനു ജെ. വല്ലനാട്ട്, കൈറ്റ് മെന്റ്റേഴ്‌സ് സി.ത്രേസ്സ്യാമ്മ പോള്‍, വിദ്യാ കെ. എസ്. എന്നിവര്‍ പ്രസംഗിച്ചു. സ്‌ക്രാച്ച്, ആനിമേഷന്‍, പ്രോഗ്രാമിംഗ് അധിഷ്ഠിത ക്ലാസുകള്‍ക്ക് റിസോഴ്സ് പേര്‍സണന്‍ സിമി ജോസഫ്, ലിറ്റില്‍ കൈറ്റ്‌സ് മെന്റര്‍ സി. ത്രേസ്സ്യാമ്മ പോള്‍ എന്നിവര്‍ നേതൃത്വം നല്‍കി.
0 Comments