കോട്ടയം ബസേലിയസ് കോളേജില്‍ മെഗാ തൊഴില്‍ മേള സംഘടിപ്പിച്ചു.

വിജ്ഞാന കേരളം ജനകീയ ക്യാമ്പയിനിന്റെ ഭാഗമായി പള്ളം ബ്ലോക്ക് പഞ്ചായത്തും കുടുംബശ്രീ ജില്ലാ മിഷനും  ചേര്‍ന്ന് കോട്ടയം ബസേലിയസ് കോളജില്‍ മെഗാ തൊഴില്‍ മേള സംഘടിപ്പിച്ചു. സഹകരണം-ദേവസ്വം- തുറമുഖം വകുപ്പ് മന്ത്രി വി.എന്‍. വാസവന്‍ മേള ഉദ്ഘാടനം ചെയ്തു. തിരുവഞ്ചൂര്‍ രാധാകൃഷ്ണന്‍ എം.എല്‍.എ. അധ്യക്ഷത വഹിച്ചു. വിജ്ഞാന കേരളം ഉപദേഷ്ടാവ് ഡോ ടി.എം. തോമസ് ഐസക് മുഖ്യപ്രഭാഷണം നടത്തി. പള്ളം ബ്ലോക്ക് പഞ്ചായത്തിന്റെ പരിധിയിലുള്ള അഞ്ച് പഞ്ചായത്തുകളിലെയും ഇതര പ്രദേശങ്ങളിലെയും യുവജനങ്ങള്‍ക്കായാണ് മേള സംഘടിപ്പിച്ചത്.

സെയില്‍സ്, സര്‍വീസ്, ഹെല്‍ത്ത് കെയര്‍, അക്കൗണ്ടിംഗ്, സാങ്കേതിക  മേഖലകളിലെ 35  സ്ഥാപനങ്ങള്‍  മേളയില്‍ പങ്കെടുത്തു. 

അറുന്നൂറില്‍ അധികം ഉദ്യോഗാര്‍ഥികള്‍ പങ്കെടുത്തു.  300 ഒഴിവുകളിലേക്ക് ഷോര്‍ട്ട്ലിസ്റ്റ് തയ്യാറാക്കി. പള്ളം ബ്ലോക്ക് പഞ്ചായത്ത് പ്രസിഡന്റ് പ്രൊഫ. ടോമിച്ചന്‍ ജോസഫ്, ഗ്രാമപഞ്ചായത്ത് അധ്യക്ഷരായ സുജാത സുശീലന്‍,  സീന ബിജു നാരായണന്‍,  ബ്ലോക്ക് പഞ്ചായത്ത് വൈസ് പ്രസിഡന്റ് രജനി അനില്‍, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ  സിബി ജോണ്‍, ധനുജ സുരേന്ദ്രന്‍, ജില്ലാ പഞ്ചായത്ത് അംഗങ്ങളായ പി.കെ. വൈശാഖ്,  നിബു ജോണ്‍, ബ്ലോക്ക് പഞ്ചായത്ത് അംഗങ്ങളായ ഷീലമ്മ ജോസഫ്, ജെയിംസ് പുതുമന, ദീപ ജീസസ്, റേച്ചല്‍ കുര്യന്‍, ലിസമ്മ ബേബി, തദ്ദേശസ്വയംഭരണ വകുപ്പ് ജോയിന്റ് ഡയറക്ടര്‍ ബിനു ജോണ്‍, വിജ്ഞാനകേരളം ജില്ലാ കോ-ഓര്‍ഡിനേറ്റര്‍ പി. രമേശ്, കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ അഭിലാഷ് ദിവാകര്‍, ജില്ലാ പ്രോഗ്രാം മാനേജര്‍മാരായ അനൂപ് ചന്ദ്രന്‍, കെ.ജി. പ്രീത, ബ്ലോക്ക് പഞ്ചായത്ത് സെക്രട്ടറി പി.ജി. പ്രദീപ് എന്നിവര്‍ പങ്കെടുത്തു.