പാലാ നഗരസഭയില്‍ കുടുംബശ്രീയുടെ 27-ാം വാര്‍ഷികാഘോഷം നടന്നു.

പാലാ നഗരസഭയില്‍ കുടുംബശ്രീയുടെ 27-ാം വാര്‍ഷികാഘോഷം വര്‍ണാഭമായ പരിപാടികളോടെ നടന്നു. മുനിസിപ്പല്‍ ഓഫീസ് അങ്കണത്തില്‍ നിന്നും ആരംഭിച്ച പ്രൗഡഗംഭീരമായ സാംസ്‌കാരിക റാലിയോടെയാണ് വാര്‍ഷികാഘോഷങ്ങള്‍ക്ക് തുടക്കമായത്. വാദ്യമേളങ്ങളുടെ അകമ്പടിയോടെ നൂറുകണക്കിന് കുടുംബശ്രീ പ്രവര്‍ത്തകര്‍ അണിനിരന്ന റാലി സമ്മേളന വേദിയായ മുനിസിപ്പല്‍ ടൗണ്‍ഹാളില്‍ സമാപിച്ചു. വാര്‍ഷികാഘോഷത്തിന്റെ ഉദ്ഘാടനം ജോസ് K മാണി MP നിര്‍വഹിച്ചു. 

സ്ത്രീ ശാക്തീകരണ രംഗത്ത് മികവിന്റെ  ഉദാത്ത മാതൃകയായ കുടുംബശ്രീയുടെ പാലാ നഗരസഭയിലെ പ്രവര്‍ത്തനങ്ങളെ ജോസ് K  മാണി അഭിനന്ദിച്ചു. സമ്മേളനത്തില്‍ നഗരസഭാ ചെയര്‍മാന്‍ തോമസ് പീറ്റര്‍ അധ്യക്ഷനായിരുന്നു.  ADMC പ്രകാശ് B നായര്‍ മുഖ്യ പ്രഭാഷണം നടത്തി. വൈസ് ചെയര്‍ പേഴ്‌സണ്‍ ബിജി ജോജോ അവര്‍ഡ് വിതരണം നിര്‍വഹിച്ചു. CDS മെമ്പര്‍ സെക്രട്ടറി ഉമേഷിത PG റിപ്പോര്‍ട്ട് അവതരിപ്പിച്ചു. CDS ചെയര്‍പേഴ്‌സണ്‍ ശ്രീകല അനില്‍കുമാര്‍ സ്വാഗതമാശംസിച്ചു.   സ്റ്റാന്റിംഗ് കമ്മറ്റി അധ്യക്ഷരായ സാവിയോ കാവുകാട്ട് , ബിന്ദു മനു, ലിസിക്കുട്ടി മാത്യു ,ജോസ് ചീരാംകുഴി നഗരസഭാംഗങ്ങളായ ഷാജു തുരുത്തന്‍ , ബൈജു കൊല്ലം പറമ്പില്‍, ആന്റോ ജോസ് പടിഞ്ഞാറെക്കര,സിജി പ്രസാദ്, CDS വൈസ് ചെയര്‍പേഴ്‌സണ്‍ സിജി പ്രദീപ് തുടങ്ങിയവര്‍പ്രസംഗിച്ചു.