പാലാ നഗരസഭയില്‍ വികസന സദസ് നടത്തി.

പാലാ നഗരസഭയില്‍ നടപ്പാക്കിയ വികസന പ്രവര്‍ത്തനങ്ങളെക്കുറിച്ചും ഭാവി വികസന നിര്‍ദ്ദേശങ്ങളെക്കുറിച്ചുള്ള ചര്‍ച്ചകളുമായി  വികസന സദസ് നടത്തി. മുനിസിപ്പല്‍ ടൗണ്‍ഹാളില്‍ ജോസ് K മാണി MP വികസന സദസ് ഉദ്ഘാടനം ചെയ്തു. പാലായെ വികസനമാതൃകയാക്കി മാറ്റുമെന്ന് ജോസ് കെ. മാണി എം.പി പറഞ്ഞു. ബൃഹത്തായ പദ്ധതികളാണ് പാലായില്‍ നടപ്പാക്കുന്നതെന്നും കായികമേഖലയ്ക്കായുള്ള ആശുപത്രി പാലായില്‍ തുടങ്ങുമെന്നും ജോസ് കെ. മാണി എം.പി. പറഞ്ഞു.

മുനിസിപ്പല്‍ ടൗണ്‍ഹാളില്‍ നടന്ന പരിപാടിയില്‍ നഗരസഭാ അധ്യക്ഷന്‍ തോമസ് പീറ്റര്‍ അധ്യക്ഷത വഹിച്ചു.  സംസ്ഥാന സര്‍ക്കാരിന്റെ നേട്ടങ്ങള്‍  വികസന സദസ് റിസോഴ്‌സ് പേഴ്‌സണ്‍ ബിലാല്‍ കെ. റാം അവതരിപ്പിച്ചു. നഗരസഭാ സെക്രട്ടറി ജൂഹി മരിയ ടോം തദ്ദേശ സ്വയംഭരണ സ്ഥാപനത്തിന്റെ നേട്ടങ്ങളും അവതരിപ്പിച്ചു. നഗരസഭാ വൈസ് ചെയര്‍പേഴ്‌സണ്‍ ബിജി ജോജോ, നഗരസഭാ സ്ഥിരംസമിതി അധ്യക്ഷരായ സാവിയോ കാവുകാട്ട്, ബിനു മനു, ലിസിക്കുട്ടി മാത്യു, ജോസ് ചീരാംകുഴി, നഗരസഭാംഗങ്ങളായ ആന്റോ ജോസ് പടിഞ്ഞാറേക്കര, ഷാജു തുരുത്തന്‍, ജോസില്‍ ബിനോ, ലീന സണ്ണി പുരയിടം, ബൈജു കൊല്ലംപറമ്പില്‍ എന്നിവര്‍ പങ്കെടുത്തു.