ഭിന്നശേഷി കുരുന്നുകള്‍ക്ക് പഠനത്തിനായി ഭിന്നശേഷി വിദ്യാലയമൊരുക്കിയ എലിക്കുളം ഗ്രാമ പഞ്ചായത്ത് നാടിനാകെ മാതൃകയാണെന്ന് മാണി സി.കാപ്പന്‍ എം.എല്‍.എ. പറഞ്ഞു. ഉരുളികുന്നം ഉദയാ അംഗനവാടിക്കു സമീപം സ്ഥാപിച്ച ബഡ്‌സ് സ്‌കൂള്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിരവധി കഴിവുകളുള്ള ഭിന്നശേഷി വിദ്യാര്‍ത്ഥികളുടെ അവരുടെ കഴിവുകള്‍ പുറംലോകം അറിയുവാന്‍ ഇത്തരം വിദ്യാലയങ്ങള്‍ ആവശ്യമാണെന്നും മാണി.സി. കാപ്പന്‍ പറഞ്ഞു. എലിക്കുളം ഗ്രാമ പഞ്ചായത്ത് പ്രസിഡന്റ് ജിമ്മിച്ചന്‍ ഈറ്റത്തോട്ട് അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് സൂര്യാമോള്‍, സ്ഥിരം സമിതി അധ്യക്ഷരായ എസ് ഷാജി, അഖില്‍ അപ്പുക്കുട്ടന്‍, ഷേര്‍ലി അന്ത്യാങ്കുളം, പഞ്ചായത്തംഗങ്ങളായ മാത്യൂസ് പെരുമനങ്ങാട്, ജെയിംസ് ജീരകം, വാര്‍ഡംഗം സിനി ജോയ് , ആശ മോള്‍ റോയ്, ദീപ ശ്രീജേഷ്, നിര്‍മ്മല ചന്ദ്രന്‍ , യമുന പ്രസാദ് , പഞ്ചായത്ത് അസിസ്റ്റന്റ് സെക്രട്ടറി പി.പി. പ്രിന്‍സി , പകല്‍ വീട് ഭാരവാഹികളായ വി പി.കൃഷ്ണന്‍ കുട്ടി, ശശീന്ദ്രന്‍ നായര്‍ എന്നിവര്‍ സംസാരിച്ചു. മാണി.സി. കാപ്പന്‍ എം.എല്‍ എയുടെ അന്‍പതു ലക്ഷം രൂപ ഫണ്ടുപയോഗിച്ചായിരുന്നു ബഡ്‌സ് സ്‌കൂള്‍ നിര്‍മ്മാണം.
0 Comments