കോണ്‍ഗ്രസ് നേതാക്കള്‍ കേരള കോണ്‍ഗ്രസ് മാണി പക്ഷത്തേയ്ക്ക്.

തദ്ദേശ തെരഞ്ഞെടുപ്പിന്റെ പശ്ചാത്തലത്തില്‍ അതിരമ്പുഴയില്‍ കൂടുതല്‍ കോണ്‍ഗ്രസ് നേതാക്കള്‍ കേരള കോണ്‍ഗ്രസ് മാണി പക്ഷത്തേയ്ക്ക്. യൂത്ത് കോണ്‍ഗ്രസ് നേതാവ് ജിം അലക്‌സും സഹപ്രവര്‍ത്തകരും കേരള കോണ്‍ഗ്രസ് മാണി ഗ്രൂപ്പില്‍ ചേര്‍ന്നു. 

ജെ.ജയിംസ് തുരുത്തുമാലില്‍, ബാബു ഫിലിപ്പ് തയ്യില്‍, നീണ്ടൂര്‍ മുന്‍ പഞ്ചായത്ത് വൈസ് പ്രസിഡണ്ട് തോമസ് കുട്ടി കോളംമ്പ്രയില്‍, ആശാ റെജി പുത്തന്‍ പറമ്പില്‍ എന്നിവരും കേരള കോണ്‍ഗ്രസ് (എം) അംഗങ്ങളായി. ജിം അലക്‌സ് അതിരമ്പുഴ ജില്ലാ പഞ്ചായത്തിലും, ആശാ റെജി ഏറ്റുമാനൂര്‍ ബ്ലോക്കിലേയ്ക്കും, കേരള കോണ്‍ (എം) സ്ഥാനാര്‍ത്ഥികള്‍ ആയി മത്സരിക്കും. ഇക്കഴിഞ്ഞ ദിവസങ്ങളിലും ഏറ്റുമാനൂരില്‍ നിന്നും പാലായില്‍ നിന്നും നിരവധി കോണ്‍ഗ്രസ് നേതാക്കളും പ്രവര്‍ത്തകരും കേരള കോണ്‍ഗ്രസ് എമ്മില്‍ ചേര്‍ന്നിരുന്നു.