നാലു വയസ്സുകാരായ 4 സഹോദരങ്ങള്‍ ശബരിമല ദര്‍ശനത്തിന്

നാലു വയസ്സുകാരായ 4 സഹോദരങ്ങള്‍ സ്വാമി അയ്യപ്പനെ ദര്‍ശിക്കാന്‍ കെട്ടുമുറുക്കിശബരിമല യാത്ര ആരംഭിച്ചു. അതിരമ്പുഴ ശ്രീകണ്ഠമംഗലം ഉള്ളാട്ടുപറമ്പില്‍ സുരേഷ് - പ്രസന്ന ദമ്പതികള്‍ക്ക് ഒറ്റപ്രസവത്തില്‍ ജനിച്ച മക്കളായ  ശങ്കര്‍, ലക്ഷ്മി, കാശിനാഥ്, കാര്‍ത്തിക്ക് എന്നിവരാണ് ഞായറാഴ്ച വൈകിട്ട് കെട്ടുനിറച്ച് ശബരിമല ദര്‍ശനത്തിന് യാത്രയാരംഭിച്ചത്. പാരമ്പര്യ രീതിയില്‍  വീട്ടില്‍ കുരുത്തോല പന്തല്‍ ഇട്ടായിരുന്നു കെട്ടുമുറുക്ക് ചടങ്ങുകള്‍ നടത്തിയത്.. പെരിയ സ്വാമിയുടെ നിര്‍ദ്ദേശപ്രകാരം കുട്ടികള്‍ നെയ്മുദ്ര നിറച്ചു . അച്ഛന്‍ സുരേഷിനും മറ്റ് ബന്ധുക്കള്‍ക്കും ഒപ്പമാണ് യാത്ര തിരിച്ചത്. മുതിര്‍ന്നവര്‍ക്കും ബന്ധുമിത്രാദികള്‍ക്കും ദക്ഷിണ നല്‍കി ശരണം വിളിച്ച് ഇരുമുടിക്കെട്ടുമേന്തി കുട്ടികള്‍ യാത്രയ്ക്ക് തുടക്കമിട്ടു