അയ്യപ്പ ഭാഗവത സപ്താഹ യജ്ഞം ഡിസംബര്‍ 28 ന് സമാപിക്കും.

കുറവിലങ്ങാട് മഹാദേവ ക്ഷേത്രത്തില്‍ നടന്നു വരുന്ന അയ്യപ്പ ഭാഗവത സപ്താഹ യജ്ഞം ഡിസംബര്‍ 28 ന്  സമാപിക്കും. അഖില ഭാരത അയപ്പസേവാ സംഘത്തിന്റെ കീഴിലുള്ള  മഹാദേവ ക്ഷേത്രത്തില്‍ 21 മുതല്‍ നടന്ന് വന്നിരുന്ന അയ്യപ്പ ഭാഗവത സപ്താഹ യജ്ഞമാണ്  ഞായറാഴ്ച സമാപിക്കുന്നത്. ഉച്ചയ്ക്ക് 12 ന് യജ്ഞ സമര്‍പ്പണവും തുടര്‍ന്ന് പ്രസാദമൂട്ടും നടക്കും. 

ക്ഷേത്രത്തിലെ തിരുവാതിര മഹോത്സവം ജനുവരി രണ്ട്, മൂന്ന് തീയതികളില്‍ നടക്കും. ജനുവരി രണ്ടിന് വൈകുന്നേരം 7 ന് കുട്ടികളുടെ വിവിധ കലാപരിപാടികള്‍,3 ശനി വൈകുന്നേരം 7 ന് തിരുവാതിരകളി, 7.30ന് നാടകം എന്നിവയും നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു. കുറവിലങ്ങാട് പ്രസ് ക്ലബ്ബില്‍ നടന്ന വാര്‍ത്താ സമ്മേളനത്തില്‍ ക്ഷേത്രം ഭാരവാഹികളായ മോഹനന്‍ കുന്നുംപുറം, അജികുമാര്‍ മേക്കല്ലൂര്‍ എന്നിവര്‍ പങ്കെടുത്തു.