ബി. സരസ്വതിയമ്മ നിര്യാതയായി.

പ്രശസ്ത സാഹിത്യകാരന്‍ കാരൂര്‍ നീലകണ്ഠപ്പിള്ളയുടെ മകളും എഴുത്തുകാരിയും അദ്ധ്യാപികയുമായിരുന്ന ബി. സരസ്വതിയമ്മ നിര്യാതയായി. 94 വയസ്സായിരുന്നു. ഏറ്റുമാനൂരിലെ കാരൂര്‍ കിഴക്കേടം വസതിയില്‍ തിങ്കളാഴ്ച ഉച്ചതിരിഞ്ഞ് രണ്ടു മണിയോടെയായിരുന്നു  അന്ത്യം.  കിടങ്ങൂര്‍ എന്‍.എസ്.എസ് ഹൈസ്‌കൂള്‍ ഹെഡ്മിസ്ട്രസായി വിരമിച്ച ശേഷം വിശ്രമ ജീവിതം നയിച്ചു വരികയായിരുന്നു. 

സംസ്‌കാരം ഡിസംബര്‍ 2 ചൊവ്വാഴ്ച ഉച്ചക്ക് 2 മണിക്ക് ഏറ്റുമാനൂരിലെ വീട്ടുവളപ്പില്‍. ഭര്‍ത്താവ് പരേതനായ എം.ഇ. നാരായണക്കുറുപ്പ് ( റിട്ട. ജോയിന്റ് ഡയറക്ടര്‍, പഞ്ചായത്ത്, കേരളസര്‍ക്കാര്‍), പ്രശസ്ത സിനിമ ഫോട്ടോഗ്രാഫറും ചലച്ചിത്ര സംവിധായകനുമായ വേണുവും, എന്‍. രാമചന്ദ്രന്‍ lPS ( മുന്‍ എസ്. പി. കോട്ടയം) എന്നിവര്‍ മക്കളാണ്. മരുമക്കള്‍: ബീന പോള്‍ വേണുഗോപാല്‍, അപര്‍ണ രാമചന്ദ്രന്‍.