വോട്ടര് പട്ടിക പരിഷകരണത്തിന്റെ പ്രചരണാര്ഥം സംഘടിപ്പിച്ച വോട്ടത്തോണ് കോട്ടയം നഗരത്തിന് പുതുമയായി. കേന്ദ്ര തിരഞ്ഞെടുപ്പ് കമ്മീഷന്റെ വോട്ടര് വിദ്യാഭ്യാസ പദ്ധതിയായ സ്വീപിന്റെ ജില്ലാ ഘടകവും ബി.സി.എം. കോളജും സംയുക്തമായാണ് പരിപാടി സംഘടിപ്പിച്ചത്. ജില്ലാ കളക്ടര് ചേതന് കുമാര് മീണ വോട്ടവകാശ പ്രതിജ്ഞ ചൊല്ലിക്കൊടുത്തു. വോട്ടര് പട്ടിക പരിഷ്കരണം, വോട്ടവകാശം എന്നിവ വിഷയമാക്കി വിദ്യാര്ഥികള് ഒരുക്കിയ കലാപരിപാടികള് പുതുമയായി .ബിസിഎം കോളേജില് നിന്നാരംഭിച്ച ഘോഷയാത്ര ഗാന്ധി സ്ക്വയറില് സമാപിച്ചു. ഫ്ലാഷ് മോബ് ,തെരുവ് നാടകം , മൂകാംഭിനയം എന്നിവ പരിപാടിയുടെ ഭാഗമായി.
ആര് ഡിഒ ജിനു പുന്നൂസ് , ഇലക്ഷന് ഡെപ്യൂട്ടി കളക്ടര് ഷീബാ മാത്യൂ, സ്വീപ് മോഡല് ഓഫീസര് പി.എ അമാനത്ത്, ബി.സി.എം കോളജ് മാനേജര് ഫാ. ഏബ്രഹാം പറമ്പേട്ട്, പ്രിന്സിപ്പല് പ്രൊഫ. ഡോ. കെ.വി. തോമസ്, ബര്സാര് ഫാ. ഫില്മോന് കളത്ര എന്നിവര് പ്രസംഗിച്ചു
0 Comments