നിയന്ത്രണം വിട്ട വാഹനം ഇടിച്ചുണ്ടായ അപകടത്തില്‍ 7 പേര്‍ക്ക് പരിക്ക്.

നിയന്ത്രണം വിട്ട വാഹനം റോഡരികിലെ പുരയിടത്തിലെ  മരങ്ങളില്‍ ഇടിച്ചുണ്ടായ അപകടത്തില്‍ 7 പേര്‍ക്ക് പരിക്ക്. മറ്റക്കര മഞ്ഞാമറ്റം മണ്ണനാല്‍  റോഡില്‍  മണ്ണനാല്‍ തോട് അംഗന്‍വാടി ക്കു സമീപം പുലര്‍ച്ചെ മൂന്നു മണിയോടെയായിരുന്നു അപകടം. 

നിയന്ത്രണം വിട്ട മാരുതി ജിമ്‌നി വാഹനം റോഡരികിലെ പുരയിടത്തിലേക്ക് ഇടിച്ചുകയറുകയായിരുന്നു. വാഹനം കുര്യന്‍ പുത്തുപ്പള്ളിലിന്റെ പുരയിടത്തിലെ റബ്ബര്‍ മരങ്ങളില്‍ ഇടിച്ചുനിന്നു. മരം ഒടിഞ്ഞ് ഇലക്ട്രിക് ലൈനടക്കം വാഹനത്തിനു മുകളിലേക്ക് വീണു. അപകടത്തില്‍ പരിക്കേറ്റവരെ ചേര്‍പ്പുങ്കല്‍ മാര്‍സ്ലീവാ മെഡിസിറ്റിയില്‍ പ്രവേശിപ്പിച്ചു. പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. മണിമല ഭാഗത്തു നിന്നും കോതനല്ലൂരിലേക്ക് പോവുകയായിരുന്ന വാഹനമാണ് പുലര്‍ച്ചെ അപകടത്തില്‍പെട്ടത്.