പ്രേംനസീറിന്റെയും ജയചന്ദ്രന്റെയും ഓര്‍മ്മകള്‍ക്കു മുന്നില്‍ ആദരാഞ്ജലികളര്‍പ്പിച്ച് അനുസ്മരണം

അനശ്വര നടന്‍ പ്രേംനസീറിന്റെയും ഭാവഗായകന്‍ ജയചന്ദ്രന്റെയും ഓര്‍മ്മകള്‍ക്കു മുന്നില്‍ ആദരാഞ്ജലികളര്‍പ്പിച്ച് അനുസ്മരണ സമ്മേളനം നടന്നു. പാലാ മരിയ സദനത്തിന്റെയും കോട്ടയം ജില്ലാ പോലീസ് പബ്ലിക് ലൈബ്രറിയുടെയും സംയുക്താഭിമുഖ്യത്തിലാണ് അനുസ്മരണം സംഘടിപ്പിച്ചത്. പ്രേംനസീര്‍ ഓര്‍മ്മയായിട്ട് 36 വര്‍ഷങ്ങള്‍ പൂര്‍ത്തിയാവുമ്പോള്‍ അദ്ദേഹം പാടി അഭിനയിച്ച 36 ചലച്ചിത്ര ഗാനങ്ങളുടെ അവതരണത്തോടെയാണ് അനുസ്മരണ യോഗം ആരംഭിച്ചത്. 

മികച്ച ഗായകനും പോലീസ് ഓര്‍ക്കസ്ട്രകളിലെ സജീവ സാന്നിധ്യവുമായ  കോട്ടയം ജില്ലാ സ്‌പെഷ്യല്‍ ബ്രാഞ്ച് സബ് ഇന്‍സ്പക്ടര്‍ സുദേവ് എസ് ആണ് 36 ഗാനങ്ങള്‍ ആലപിച്ചത്. തുടര്‍ന്ന് നടന്ന അനുസ്മരണ സമ്മേളനം നഗരസഭാ ചെയര്‍പേഴ്‌സണ്‍ ദിയാ ബിനു ഉദ്ഘാടനം ചെയ്തു. പാലാ DysP Kസദന്‍ മുഖ്യപ്രഭാഷണം നടത്തി. പാലാ മരിയസദനത്തില്‍ നടന്ന സമ്മേളനത്തില്‍ ജില്ലാ പൊലീസ് പബ്ലിക് ലൈബ്രറി പ്രസിഡന്റ് സിബി മോന്‍ EN അധ്യക്ഷനായിരുന്നു. മരിയസദനം ഡയറക്ടര്‍ സന്തോഷ് ജോസഫ് സ്വാഗതമാശംസിച്ചു. സാഹിത്യകാരി സിജിത അനില്‍, പോലീസ് ഓഫീസേഴ്‌സ് അസോസിയേഷന്‍ ജില്ലാ സെക്രട്ടറി സലിംകുമാര്‍ KC,പോലീസ് അസോസിയേഷന്‍ ജില്ലാ സെക്രട്ടറി അനൂപ് അപ്പുക്കുട്ടന്‍, നഗരസഭാംഗം ജിജി ബൈജു, അലീന ജോബി എന്നിവര്‍ പ്രസംഗിച്ചു. നഗരസഭാധ്യക്ഷയും നഗരസഭാംഗവും അടക്കുള്ളവര്‍ ഗാനങ്ങളാലപിച്ച് മണ്‍മറഞ്ഞ പ്രതിഭകള്‍ക്ക് ആദരഞ്ജലിയര്‍പ്പിച്ചു.