റോഡ് സുരക്ഷ വാരാചരണ പരിപാടി സംഘടിപ്പിച്ചു.

മാര്‍ സ്ലീവാ മെഡിസിറ്റിയുടെ നേതൃത്വത്തില്‍ പാലായില്‍ റോഡ് സുരക്ഷ വാരാചരണ പരിപാടി സംഘടിപ്പിച്ചു.  റോഡ് സുരക്ഷ എല്ലാവരുടെയും ഉത്തരവാദിത്തമാണെന്ന സന്ദേശവുമായി മാര്‍ സ്ലീവാ മെഡിസിറ്റിയുടെ നേതൃത്വത്തില്‍ ചേര്‍പ്പുങ്കല്‍ ബി.വി.എം കോളജ് എന്‍.എസ്.എസ് യൂണിറ്റ്, മോട്ടോര്‍ വാഹനവകുപ്പ് എന്നിവയുമായി സഹകരിച്ച്  ദേശീയ റോഡ് സുരക്ഷവാരാചരണ പരിപാടി സംഘടിപ്പിച്ചത്. പാലാ സെന്റ് തോമസ് ഹയര്‍സെക്കണ്ടറി സ്‌കൂളില്‍ നിന്ന് കൊട്ടാരമറ്റം ബസ് സ്റ്റാന്‍ഡിലേക്ക് ബോധവല്‍ക്കരണ സന്ദേശവുമായി വാക്കത്തോണ്‍ നടത്തി.

 റവ.ഡോ.എമ്മാനുവല്‍ പാറേക്കാട്ട് സന്ദേശം നല്‍കി. അപകടം ഉണ്ടാകാതെ എങ്ങനെ സൂക്ഷിക്കണമെന്ന് ജനങ്ങള്‍ക്ക് ബോധവല്‍ക്കരണം നല്‍കുകയാണ്  മാര്‍ സ്ലീവാ മെഡിസിറ്റിയെന്ന്  അദ്ദേഹം പറഞ്ഞു. മോട്ടോര്‍ വെഹിക്കിള്‍ ഇന്‍സ്‌പെക്ടര്‍ കെ.കെ.റെജി റോഡ് സുരക്ഷ സന്ദേശം നല്‍കി.  മാര്‍ സ്ലീവാ മെഡിസിറ്റി  പുറത്തിറക്കിയ  ഫസ്റ്റ് എയ്ഡ് ഹാന്‍ഡ് ബുക്കായ ഒരു നിമിഷം മതി ഒരു ജീവന്‍ രക്ഷിക്കാന്‍ എന്ന ബുക്കിന്റെ പ്രകാശനം നടന്നു. റവ.ഡോ. എമ്മാനുവല്‍ പാറേക്കാട്ടില്‍ നിന്ന്. എം.വി.ഐ കെ.കെ.റെജി പുസ്തകം ഏറ്റു വാങ്ങി . പാലാ സെന്റ് തോമസ് ഹയര്‍സെക്കണ്ടറി സ്‌കൂള്‍ ഹെഡ്മാസ്റ്റര്‍ റവ.ഫാ.റെജി തെങ്ങുംപള്ളില്‍, പ്രിന്‍സിപ്പല്‍ റെജിമോന്‍ കെ.മാത്യു, മോട്ടോര്‍ വെഹിക്കിള്‍ ഇന്‍സ്‌പെക്ടര്‍ കെ.ധനേഷ്, അസി.മോട്ടോര്‍ വെഹിക്കിള്‍ ഇന്‍സ്‌പെക്ടര്‍ ജിനു ജേക്കബ് എന്നിവര്‍ പങ്കെടുത്തു. ബി.വി.എം.കോളജ് പ്രിന്‍സിപ്പല്‍ റവ.ഡോ.ബോബി സെബാസ്റ്റ്യന്‍, എന്‍.എസ്.എസ് കോ ഓര്‍ഡിനേറ്റര്‍മാരായ ജിബിന്‍ അലക്‌സ്, ഷെറിന്‍ ജോസഫ് എന്നിവര്‍ നേതൃത്വം നല്‍കി.