ശബരിമല തീര്ത്ഥാടനത്തിനുള്ള യാത്രാമധ്യേ ആലങ്ങാട്ട് സംഘം പാലാ ഏഴാച്ചേരി കാവിന്പുറം ക്ഷേത്രത്തില് കാണിക്കിഴി സമര്പ്പിച്ചു.ആലങ്ങാട്ട് സംഘം വഴിമദ്ധ്യേ കാണിക്കിഴി സമര്പ്പിക്കുന്ന ഏക ക്ഷേത്രമാണിത്. ഏരുമേലി പേട്ടകെട്ടിനും മലയാത്രയ്ക്കും മുന്നോടിയായാണ് ആലങ്ങാട്ട് സംഘം ഏഴാച്ചേരി കാവിന്പുറം ഉമാമഹേശ്വര ക്ഷേത്രത്തില് കാണിക്കിഴി സമര്പ്പിക്കാനെത്തിയത്.
യോഗ പ്രതിനിധി പുറയാറ്റിക്കളരി രാജേഷ് കുറുപ്പ്, വെളിച്ചപ്പാട് ദേവദാസ്, പൂജാരി രമേശന്, സന്തോഷ് നിലയിടത്ത്, ഹരീഷ് കണ്ണന് എന്നിവരുടെ നേതൃത്വത്തിലുള്ള 15 അംഗ ആലങ്ങാട്ട് സംഘമാണ് ഉമാമഹേശ്വരന്മാര്ക്ക് കാണിക്കിഴി സമര്പ്പിച്ചത്.
ആലങ്ങാട്ട് സംഘത്തെ കാവിന്പുറം ദേവസ്വം ഭാരവാഹികളായ റ്റി.എന്. സുകുമാരന് നായര്, ചന്ദ്രശേഖരന് നായര് പുളിക്കല്, ത്രിവിക്രമന് നായര്, തങ്കപ്പന് നായര് കൊടുങ്കയം, ജയചന്ദ്രന് വരകപ്പള്ളില്, സി.ജി. വിജയകുമാര്, പ്രസന്നന് കാട്ടുകുന്നത്ത്, ഗോപകുമാര് അമ്പാട്ടുവടക്കേതില്, ആര്. സുനില്കുമാര് തുടങ്ങിയവര് ചേര്ന്ന് സ്വീകരിച്ചു. മലയാത്ര നടത്തുന്ന തങ്ങള് അയ്യപ്പന്റെ പിതൃസ്ഥാനീയര് എന്ന നിലയിലാണ് പ്രസിദ്ധമായ ഏഴാച്ചേരി കാവിന്പുറം ഉമാ മഹേശ്വര ക്ഷേത്രത്തില് ക്ഷേത്രത്തില് കാണിക്കിഴി സമര്പ്പിക്കുന്നതെന്ന് ആലങ്ങാട്ട് സമൂഹ പെരിയോന് രാജേഷ് പുറയാറ്റിക്കളരി പറഞ്ഞു. ആലങ്ങാട് സംഘത്തിന് മേല്ശാന്തി ബിജു നമ്പൂതിരി പ്രസാദം വിതരണം ചെയ്തു. തുടര്ന്ന് സമൂഹ നീരാഞ്ജനവും നടന്നു. അയ്യപ്പന്റെ ചൈതന്യം വഹിച്ചുവന്ന ഗോളകയില് ഭക്തര് നേരിട്ട് നീരാജനം നടത്തുകയായിരുന്നു. പയപ്പാര്, പോണാട്, നെച്ചിപ്പുഴൂര് ചിറക്കരക്കാവ്, ളാലം മഹാദേവക്ഷേത്രം, മുരിക്കുംപുഴ ക്ഷേത്രം എന്നിവിടങ്ങളിലും ആലങ്ങാട്ട് സംഘം ദര്ശനം നടത്തി.
0 Comments