ഇന്നോവേറ്റര്‍ ഓഫ് ദി ഇയര്‍ ബഹുമതിക്ക് 2 മലയാളി സംരംഭകര്‍ അര്‍ഹരായി.

UK സര്‍ക്കാരിന്റെ ഔദ്യോഗിക എന്‍ഡോസ്‌മെന്റ് ബോഡി നല്‍കുന്ന ഇന്നോവേറ്റര്‍ ഓഫ് ദി ഇയര്‍ ബഹുമതിക്ക്  2 മലയാളി സംരംഭകര്‍ അര്‍ഹരായി. കോട്ടയം കൈപ്പുഴ സ്വദേശി സിറിള്‍ റോയിയും, ഇരിങ്ങാലക്കുട സ്വദേശി ഹെര്‍മര്‍ച്ചീസ് ബാലനുമാണ് പുരസ്‌കാരം നേടിയത്. UK യിലെ ആരോഗ്യ രംഗം നേരിടുന്ന വെല്ലുവിളികള്‍ക്ക് പരിഹാരം കണ്ടെത്താന്‍ കഴിയുന്ന സംരംഭം വികസിപ്പിച്ചാണ് ഇന്നോ വെറ്റര്‍ ഓഫ് ദി ഇയര്‍ ബഹുമതിക്ക് ഇവര്‍ അര്‍ഹരായത്. 

Uk ഗവണ്മെന്റ് നല്‍കുന്ന ഇനോവേറ്റര്‍ ഹണ്ടര്‍ വിസയിലൂടെ ഇംഗ്ലണ്ടിലെത്തി മികച്ച ആശയങ്ങളെ സംരംഭമാക്കി മാറ്റുകയും ചെയ്യുന്നവരെയാണ് ഈ പുരസ്‌കാരത്തിന് തെരഞ്ഞെടുക്കുന്നത്. മെന്റര്‍ മെര്‍ലിന്‍ Uk ലിമിറ്റഡ് എന്ന കമ്പനി സ്ഥാപിച്ച് UK യില്‍ നിലവിലുണ്ടായിരുന്ന നഴ്‌സ് ക്ഷാമ പ്രതിസന്ധി മറികടക്കുവാന്‍ ഇവര്‍ നിര്‍ണ്ണായക സംഭവനകള്‍ നല്‍കിയിരുന്നു. ഒപോര്‍ട്ടല്‍ എന്ന സമഗ്ര ഡിജിറ്റല്‍ പ്ലാറ്റ് ഫോമാണ് വികസിപ്പിച്ചത്യ റിക്രൂട്ട്‌മെന്റ് കാലതാമസം ഒഴിവാക്കുക ഗുണ നിലവാരം ഉറപ്പാക്കുക, പരീക്ഷാ പരിശീലനം, പ്ലേസ്‌മെന്റ് ഇവ  കാര്യക്ഷമമാക്കുക എന്നിവയെല്ലാം ഉള്‍ക്കൊള്ളുന്ന  ഡിജിറ്റല്‍ പ്ലാറ്റ് ഫോമാണ് മലയാളികള്‍ രൂപകല്പന ചെയ്തത്.