റീ ടാറിംഗിലെ അപാകതകള്‍ അപകടം വിളിച്ചു വരുത്തുന്നു

ആധുനിക രീതിയില്‍ ടാറിംഗ് നടത്തിയ റോഡുകള്‍ കുത്തിപ്പൊളിക്കുമ്പോള്‍ റീ ടാറിംഗിലെ അപാകതകള്‍ അപകടം വിളിച്ചു വരുത്തുന്നു. കിടങ്ങൂര്‍ ഹൈവേ ജംഗ്ഷനില്‍ അയര്‍ക്കുന്നത്തിന് തിരിയുന്ന ഭാഗത്ത് റോഡില്‍ അപകടക്കെണി രൂപപ്പെട്ടു. പൈപ്പ്‌ലെന്‍ നന്നാന്നിക്കുന്നതിനായി റോഡ് കുത്തിപ്പൊളിച്ചിരുന്നു. 

വീണ്ടും ടാറിംഗ് നടത്തുമ്പോള്‍ മണ്ണിരുന്ന് റോഡ് മറ്റു ഭാഗങ്ങളിലേക്കാള്‍ താഴ്ന്നു പോകുന്നതാണ് പ്രശ്‌നമാകുന്നത്. പ്രധാന  റോഡിനു നടുവില്‍ രൂപപ്പെടുന്ന കട്ടിംഗ് ഇരു ചക്രവാഹനങ്ങള്‍ക്കാണ് അപകട ഭീഷണിയാവുന്നത്. റോഡിന്റെ നിരപ്പു വ്യത്യാസം തിരിച്ചറിയാതെ വേഗതയിലെത്തുന്ന വാഹനങ്ങള്‍ അപകടത്തില്‍പെടുന്നത് പതിവു കാഴ്ചയാണ്. ഇക്കാര്യം പൊതുമരാമത്ത് അധികൃതരെ അറിയിച്ചെങ്കിലും നടപടികള്‍ സ്വീകരിച്ചിട്ടില്ലെന്ന് ബ്ലോക്ക് പഞ്ചായത്തംഗം ബോബി മാങ്കുടിയില്‍ പറഞ്ഞു.