സൗജന്യ നേത്ര- രക്ത പരിശോധന ക്യാമ്പ് സംഘടിപ്പിച്ചു.

കിടങ്ങൂര്‍ ശ്രീ സത്യസായി സേവാസമിതിയുടെ ആഭിമുഖ്യത്തില്‍ അഹല്യ ഫൗണ്ടേഷന്‍ ഐ ഹോസ്പിറ്റലിന്റെയും കിടങ്ങൂര്‍ മമത ലാബിന്റെയും സഹകരണത്തോടുകൂടി സൗജന്യ നേത്ര- രക്ത പരിശോധന ക്യാമ്പ് സംഘടിപ്പിച്ചു. കിടങ്ങൂര്‍ സത്യസായി സേവാ സമിതി ഹാളില്‍ സംഘടിപ്പിച്ച ക്യാമ്പ് ഗ്രാമപഞ്ചായത്ത് പ്രസിഡണ്ട് ഗീതാ സുരേഷ് ഉദ്ഘാടനം ചെയ്തു.

 ശ്രീ സത്യസായി സേവ ഓര്‍ഗനൈസേഷന്‍ ജില്ലാ പ്രസിഡണ്ട് എസ്. സുരേഷ് കുമാര്‍ അധ്യക്ഷത വഹിച്ചു. സേവാസമിതി കണ്‍വീനര്‍ കെ.കെ വിജയകുമാര്‍, ഗ്രാമ പഞ്ചായത്ത് അംഗങ്ങളായ മഹേഷ് കുമാര്‍, ജയന്‍, ജില്ലാ കോഡിനേറ്റര്‍ സരസമ്മ തുടങ്ങിയവര്‍ പ്രസംഗിച്ചു. ക്യാമ്പിന്റെ ഭാഗമായി വിദഗ്ധ ഡോക്ടര്‍മാര്‍ നേത്ര പരിശോധന നടത്തി. ബ്ലഡ് ഷുഗര്‍, കൊളസ്‌ട്രോള്‍, ബ്ലഡ് പ്രഷര്‍, ഇസിജി തുടങ്ങിയ പരിശോധനകളും സൗജന്യമായി നടത്തി.  ആവശ്യമുള്ളവര്‍ക്ക് കണ്ണട നല്‍കുന്നതിനും തുടര്‍ ചികിത്സ ലഭ്യമാക്കുന്നതിനും സൗകര്യമൊരുക്കിയിരുന്നു.