വൈഖരി ഡിപ്പാര്‍ട്ട്‌മെന്റ് ഫെസ്റ്റ് സമാപിച്ചു.

പാലാ സെന്റ് തോമസ് കോളേജിലെ മലയാള വിഭാഗം സംഘടിപ്പിച്ച വൈഖരി ഡിപ്പാര്‍ട്ട്‌മെന്റ് ഫെസ്റ്റ് സമാപിച്ചു. വൈഖരിയുടെ സമാപന ദിവസം ഫാഷന്‍ ഷോ സംഘടിപ്പിച്ചു. Athma The Soul Of Kerala എന്ന തീമില്‍ നടത്തിയ ഫാഷന്‍ ഷോയില്‍  കോളേജിലെ വിവിധ ഡിപ്പാര്‍ട്ട്‌മെന്റുകളില്‍ നിന്നായി 26 ഓളം മത്സരാര്‍ത്ഥികള്‍ പങ്കെടുത്തു. 

കൊമേഴ്‌സ് വിഭാഗത്തിലെ അലോഷി ഒന്നാം സ്ഥാനവും, മൈക്രോബയോളജി വിഭാഗത്തിലെ ജെസ്‌നി വിനോദ് രണ്ടാം സ്ഥാനവും, ഇംഗ്ലീഷ് വിഭാഗത്തിലെ റ്റെസ്സി പ്രിന്‍സ് മൂന്നാം സ്ഥാനവും, സൈക്കോളജി വിഭാഗത്തിലെ മിലന്‍ മരിയ നാലാം സ്ഥാനവും, ഇംഗ്ലീഷ് വിഭാഗത്തിലെ ഹെലന്‍ സിജോ അഞ്ചാം സ്ഥാനവും കരസ്ഥമാക്കി. കഥകളി, കളരിപ്പയറ്റ് തുടങ്ങി കേരളത്തിന്റെ സാംസ്‌കാരികത്തനിമ നിറഞ്ഞ വേഷവിധാനങ്ങളിലാണ് കുട്ടികള്‍ ഫാഷന്‍ ഷോയില്‍ പങ്കെടുത്തത്.