ഏറ്റുമാനൂര്‍ കെഎസ്ഇബി ഓഫീസിനോട് ചേര്‍ന്നുള്ള ഡംപിങ് യാര്‍ഡില്‍ തീപിടുത്തം.

ഏറ്റുമാനൂര്‍  കെഎസ്ഇബി ഓഫീസിനോട് ചേര്‍ന്നുള്ള  ഡംപിങ് യാര്‍ഡില്‍  തീപിടുത്തം.കാടും പടര്‍പ്പും നിറഞ്ഞ പ്രദേശത്ത് ആളിപ്പടര്‍ന്ന തീയില്‍ കെഎസ്ഇബിയുടെ നിരവധി തേക്ക് മരത്തൂണുകള്‍ കത്തിനശിച്ചു. കുടുംബ കോടതിക്ക് എതിര്‍വശമുള്ള  സര്‍ക്കാര്‍ പുറമ്പോക്ക് ഭൂമിയിലാണ് കെഎസ്ഇബിയുടെ ഡംബിംഗ്  യാര്‍ഡ്  പ്രവര്‍ത്തിക്കുന്നത്. 

ഇലക്ട്രിക് ലൈനുകള്‍ കൂട്ടിയുരസി തീപ്പൊരി വീണതാണ്  കാരണമെന്നാണ് പ്രാഥമിക നിഗമനം. അപകടം നടന്നയുടന്‍ തന്നെ കെഎസ്ഇബി ഉദ്യോഗസ്ഥര്‍ പ്രദേശത്തെ വൈദ്യുതി ബന്ധം വിച്ഛേദിച്ചത് വലിയ അപകടം ഒഴിവാക്കി. കോട്ടയത്തു നിന്നും എത്തിയ അഗ്‌നി ശമനസേന ഏറെ കഠിനാധ്വാനം നടത്തിയാണ് തീ പടരുന്നത്  നിയന്ത്രണ വിധേയമാക്കിയത്. ഏറ്റുമാനൂരില്‍  ഫയര്‍ സ്റ്റേഷന്‍ വേണമെന്ന ആവശ്യം, ഇതോടെ വീണ്ടും ശക്തമായിരിക്കുകയാണ്.ഏറ്റുമാനൂരില്‍ ഫയര്‍ സ്റ്റേഷന്‍ നിര്‍മ്മിക്കാനായി  നിര്‍ദ്ദേശിക്കപ്പെട്ട സ്ഥലത്താണ് ഇപ്പോള്‍ തീപിടുത്തം ഉണ്ടായത്.