ത്രിതല പഞ്ചായത്ത് ജനപ്രതിനിധികള്‍ക്ക് സ്വീകരണം നല്‍കി.

കിടങ്ങൂര്‍ സൗത്ത് കൈരളി റെസിഡന്റ്‌സ് അസോസിയേഷന്റെ ആഭിമുഖ്യത്തില്‍ ത്രിതല പഞ്ചായത്ത് ജനപ്രതിനിധികള്‍ക്ക് സ്വീകരണം നല്‍കി. കിടങ്ങൂര്‍ NSS കരയോഗ മന്ദിരം ഹാളില്‍ നടന്ന സ്വീകരണ സമ്മേളനത്തില്‍  അസോസിയേഷന്‍ സെക്രട്ടറി പി. രാധാകൃഷ്ണക്കുറുപ്പ് സ്വാഗതം ആശംസിച്ചു.അസോസിയേഷന്‍ പ്രസിഡന്റ് രാധാ പ്രദീപ് അധ്യക്ഷയായിരുന്നു. 

ജില്ലാ പഞ്ചായത്തംഗം നിമ്മി ട്വിങ്കിള്‍ രാജ് , ബ്ലോക്ക് പഞ്ചായത്തംഗം ജ്യോതി ബാലകൃഷ്ണന്‍ , പഞ്ചായത്തംഗം മഹേഷ് കുമാര്‍ എന്നിവര്‍ക്ക് സ്വീകരണം നല്‍കി. കൈരളിയുടെ വികസന കാഴ്ചപ്പാടുകള്‍ ഉള്‍പ്പെടുത്തിയ നിവേദനം പ്രദീപ് കൂടാരപ്പള്ളില്‍ ജനപ്രതിനിധികള്‍ക്ക് സമര്‍പ്പിച്ചു. സ്വീകരണത്തിന് നന്ദി പറഞ്ഞു കൊണ്ട് വികസന പ്രവര്‍ത്തനങ്ങള്‍ നടപ്പാക്കുന്നതിന് ശക്തമായ പിന്തുണ നല്‍കുമെന്ന് ജനപ്രതിനിധികളായ നിമ്മി ട്വിങ്കിള്‍ രാജ്, ജ്യോതി ബാലകൃഷ്ണന്‍, മഹേഷ് കുമാര്‍ എന്നിവര്‍ പറഞ്ഞു.  സജി ബി എടത്തോടത്തറ കൃതജ്ഞത അര്‍പ്പിച്ചു. രാജഗോപാലന്‍ നായര്‍, ഗോപാലകൃഷ്ണന്‍ പേരൂര്‍, ദിലീപ്കുമാര്‍, ഹരിപ്രിയ, കവിത സന്തോഷ്, മോഹന ബാബു, പ്രിന്‍സി മനോജ് തുടങ്ങിയവര്‍ പങ്കെടുത്തു.