കളത്തൂകടവിന് സമീപം കാറുകള്‍ തമ്മില്‍ കൂട്ടിയിടിച്ചു.

ഈരാറ്റുപേട്ട തൊടുപുഴ റോഡില്‍ കളത്തൂകടവിന് സമീപം കാറുകള്‍ തമ്മില്‍ കൂട്ടിയിടിച്ചു. കളത്തൂകടവിലെ തടിമില്ലിന് സമീപമാണ് കാറുകള്‍ തമ്മില്‍ കൂട്ടിയിടിച്ചത്. മേലുകാവുമറ്റം കൃഷിഭവനിലെ കൃഷി ഓഫീസര്‍ ജിസ് ലൂക്കോസിന്റെ മാരുതി എസ് ക്രോസ് കാറില്‍ എതിരെ വന്ന ടിയാഗോ ഇടിച്ചു കയറുകയായിരുന്നു.

 ഈരാറ്റുപേട്ടയിലേക്ക് പോവുകയായിരുന്ന കാറിന്റെ ഡ്രൈവര്‍ ഉറങ്ങിപ്പോയതാണ് അപകടകാരണം. അപകടത്തില്‍ ആര്‍ക്കും പരിക്കില്ല. അപകടത്തില്‍ 2 വാഹനങ്ങള്‍ക്കും കേടുപാടുകള്‍ സംഭവിച്ചിട്ടുണ്ട്. വാഹനത്തിന്റെ എയര്‍ബാഗുകള്‍ പ്രവര്‍ത്തിച്ചതിനാല്‍ യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. റോഡില്‍ ചിതറിയ വാഹനത്തിന്റെ ചില്ലുകള്‍ ഫയര്‍ഫോഴ്‌സ് എത്തി കഴുകി നീക്കി. രാവിലെ 9.30 യോടെ ആയിരുന്നു അപകടം.