നരസിംഹസ്വാമി ജയന്തി ആഘോഷം ഭക്തിനിര്‍ഭരമായ ചടങ്ങുകളോടെ നടന്നു

കോഴാ നരസിംഹസ്വാമി ക്ഷേത്രത്തിലെ നരസിംഹസ്വാമി ജയന്തി ആഘോഷം ഭക്തിനിര്‍ഭരമായ ചടങ്ങുകളോടെ നടന്നു. വൈശാഖ മാസത്തിലെ ചതുര്‍ദശിയിലാണ് നരസിംഹജയന്തി ആഘോഷം നടക്കുന്നത്. ലക്ഷ്മീ നരസിംഹപൂജയ്ക്ക് തന്ത്രി മനയത്താറ്റില്ലത്ത് അനില്‍ ദിവാകരന്‍ നമ്പൂതിരി മുഖ്യകാര്‍മികത്വം വഹിച്ചു. കദളിക്കുല സമര്‍പ്പണം, നാമജപപ്രദിക്ഷണം, പ്രസാദമൂട്ട് എന്നിവയും നടന്നു. കോഴിക്കോട് പ്രശാന്ത് വര്‍മയും സംഘവും മാനസജപ ലഹരി അവതരിപ്പിച്ചു. നിരവധി ഭക്തര്‍ ചടങ്ങുകളില്‍ പങ്കെടുക്കാനായി ക്ഷേത്രത്തിലെത്തിയിരുന്നു.