പാലായിലെ ചൂടില് നിന്നും ഊട്ടിയിലെ തണുപ്പിലേക്ക് സഫലം 55 പ്ലസ് അംഗങ്ങളുടെ യാത്ര അവിസ്മരണീയമായി. റിട്ടയര്മെന്റിനു ശേഷം ജീവിതത്തെ ചുറുചുറുക്കോടെ നയിക്കാനുള്ള ആര്ജവവുമായി ഒത്തു ചേരുന്ന സഫലം അംഗങ്ങള് ഏറെ ആഹ്ലാദത്തോടെയാണ് മസിനഗുഡി വഴി ഊട്ടിയിലേക്ക് യാത്ര പോയത്. മനസ്സും ശരീരവും തണുപ്പിച്ചു കൊണ്ട് ഊട്ടിപട്ടണത്തിലും മലമുകളിലുമെല്ലാം കുട്ടികളെ പ്പോലെ ഓടിക്കളിക്കുകയായിരുന്നു സഫലം അംഗങ്ങള് . പാട്ടും കസേരകളിയും തീവണ്ടികളിയുമെല്ലാം ആവേശകരമായപ്പോള് മധുരം പകരാന് പാലായില് നിന്നുകൊണ്ടുവന്ന ചക്കപ്പഴവുമുണ്ടായിരുന്നു.
നിരവധി വിനോദസഞ്ചാരികളെത്തുന്ന ഊട്ടിയില് പ്ലാസ്റ്റിക കാരിബാഗിനും കുപ്പികള്ക്കുമെല്ലാം ഏര്പ്പെടുത്തിയ നിയന്ത്രണവും നിയമം തെറ്റിക്കുന്നവര്ക്കുള്ള പിഴശിക്ഷയും മാതൃകാപരമെന്ന് സഫലം അംഗങ്ങള് പറഞ്ഞു. ജീവിതത്തിലെ രണ്ടാം ബാല്യത്തിലേക്കു കടന്ന 45 ഓളം പേര് പ്രസിഡന്റ് MS ശശിധരന് നായര് നല്കിയ സ്ഥലം 55 പ്ലസിന്റെ പതാകയുമായാണ് ഊട്ടിപ്പട്ടണം ചുറ്റിക്കറങ്ങിയത്. സെക്രട്ടറി V M അബ്ദുള്ളാ ഖാനും രവി പുലിയന്നൂരും പി.എസ് മധുസൂദനനും വിനോദ യാത്രയ്ക്ക് നേതൃത്വം നല്കി.
0 Comments