സ്വാതന്ത്ര്യ ദിനാഘോഷത്തിന്റ ഭാഗമായി പാലാ ജനറല്‍ ആശുപത്രിയില്‍ ശുചീകരണ യജ്ഞം നടത്തി. പാലാ മുനിസിപ്പാലിറ്റിയുടെയും,സെന്റ് മേരീസ് ഹയര്‍സെക്കന്ററി സ്‌ക്കൂളിന്റേയും സംയുക്താഭിമുഖ്യത്തിലാണ് ഹര്‍ ഘര്‍ തിരംഗാ ഹര്‍ ഘര്‍ സ്വച്ഛതാ ക്യാമ്പയിന്റെ ഭാഗമായി ആശുപത്രി പരിസരം ശുചീകരിച്ചത്. പരിപാടിയുടെ ഉദ്ഘാടനം പാലാ നഗരസഭ ചെയര്‍മാന്‍ തോമസ് പീറ്റര്‍ ഉദ്ഘാടനം ചെയ്തു.
പാലാ ക്ലീന്‍ സിറ്റി മാനേജര്‍ ആറ്റ്ലി പി ജോണ്‍ , പാലാ ജനറല്‍ ആശുപത്രി ആര്‍എംഒ ഡോക്ടര്‍ രേഷ്മ, ആശുപത്രി സൂപ്രണ്ട് ഡോക്ടര്‍ അഭിലാഷ്, കൗണ്‍സിലര്‍മാരായ ആന്റോ ജോസ് പടിഞ്ഞാറേക്കര, ബിജി ജോജോ, സാവിയോ കാവുകാട്ട്, പൊതുജനാരോഗ്യ പരിസ്ഥിതി പരിപാലന വിഭാഗം ഉദ്യോഗസ്ഥരായ അനീഷ് സിജി, രഞ്ജിത്ത് ആര്‍, ചന്ദ്രന്‍, ഉമേഷിത, സോണി ബാബു, ശുചിത്വമിഷന്‍ റിസോഴ്സ് പേഴ്സണ്‍ ഡോക്ടര്‍ ഗീതാദേവി തുടങ്ങിയവര്‍ സംസാരിച്ചു. പാലാ ജനറല്‍ ആശുപത്രി എച്ച്‌ഐസി ഇന്‍ ചാര്‍ജ്ജ് രാജു വി.ആര്‍, ഇന്‍ഫക്ഷന്‍ കണ്‍ട്രോള്‍ നഴ്സ് സിന്ധു കെ നാരായണന്‍, നേഴ്സിംഗ് സൂപ്രണ്ട് ഷെറീഫാ വി.എം ,ഡെപ്യൂട്ടി നേഴ്സിംഗ് സൂപ്രണ്ടുമാരായ സെലിന്‍, ഷീന, ലേഖ, ജെഎച്ച്‌ഐ കുഞ്ഞബ്ദുള്ള,ഹരികുമാര്‍ മറ്റക്കര എന്നിവര്‍ നേതൃത്വം നല്കി. ആശുപത്രി ജീവനക്കാര്‍,നഗരസഭാ ശുചീകരണ തൊഴിലാളികള്‍,ഹരിതകര്‍മ്മസേന തുടങ്ങിയവരും ശുചീകരണ പരിപാടിയില്‍ പങ്കെടുത്തു.
0 Comments