ബൈക്കില്‍ നിന്നും തെറിച്ചു വീണ വിദ്യാര്‍ത്ഥി മരണമടഞ്ഞു.

നിയന്ത്രണം വിട്ട് റോഡരികിലെ മതിലിലിടിച്ച  ബൈക്കില്‍ നിന്നും തെറിച്ചു വീണ വിദ്യാര്‍ത്ഥി മരണമടഞ്ഞു. കുറിച്ചിത്താനം വെങ്ങിണിക്കാട്ട് സൂര്യ ബേക്കറി ഉടമ ജ്യോതിയുടെ മകന്‍ ആദിത്യ ജ്യോതിയാണ് മരണമടഞ്ഞത്. 17 വയസ്സായിരുന്നു. 

ഉഴവൂര്‍ കുര്യനാട് റോഡില്‍ പൂവത്തുങ്കലിനു സമീപം ബുധനാഴ്ച രാത്രി ഒന്‍പതു മണിയോടെയായിരുന്നു അപകടം. റോഡരികിലെ ഗെയിറ്റിലും മതിലിലുമിടിച്ച പള്‍സര്‍ ബൈക്കില്‍ നിന്നും ബൈക്ക് യാത്രികന്‍ സമീപത്തെ പുരയിടത്തിലേക്ക് തെറിച്ചു വീഴുകയായിരുന്നു.  നാട്ടുകാര്‍ ചേര്‍ന്ന് മോനിപ്പള്ളിയിലെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കുറവിലങ്ങാട് പോലീസ് മേല്‍നടപടികള്‍ സ്വീകരിച്ചു.