സ്നേഹദീപം ഭവന പദ്ധതി പ്രകാരമുള്ള 56 ഉം 57 ഉം വീടുകളുടെ നിര്‍മ്മാണം ആരംഭിച്ചു

ജില്ലാ പഞ്ചായത്ത് മെമ്പര്‍ ജോസ്മോന്‍ മുണ്ടയ്ക്കല്‍ നേതൃത്വം നല്കുന്ന സ്നേഹദീപം ഭവന പദ്ധതി പ്രകാരമുള്ള 56 ഉം 57 ഉം വീടുകളുടെ നിര്‍മ്മാണം ആരംഭിച്ചു. കിടങ്ങൂര്‍ സ്നേഹദീപത്തിന്റെ നേതൃത്വത്തിലുള്ള 14 ഉം 15ഉം സ്നേഹവീടുകളാണിത്. വീടുകളുടെ ശിലാസ്ഥാപന കര്‍മ്മം കോട്ടയം നാര്‍കോട്ടിക് സെല്‍ ഡിവൈഎസ്പി എ.ജെ. തോമസ് നിര്‍വ്വഹിച്ചു. 

കിടങ്ങൂര്‍ സ്നേഹദീപം പ്രസിഡന്റ് പ്രൊഫ. ഡോ. മേഴ്സി ജോണ്‍ അദ്ധ്യക്ഷത വഹിച്ചു. ജില്ലാ പഞ്ചായത്ത് മെമ്പര്‍ ജോസ്മോന്‍ മുണ്ടയ്ക്കല്‍, കിടങ്ങൂര്‍ ഗ്രാമപഞ്ചായത്ത് മുന്‍ പ്രസിഡന്റ് തോമസ് മാളിയേക്കല്‍, അയര്‍ക്കുന്നം ഗ്രാമപഞ്ചായത്ത് മെമ്പര്‍ ശാന്തി പ്രഭാത, അയര്‍ക്കുന്നം ഗ്രാമ പഞ്ചായത്ത് മുന്‍ വൈസ് പ്രസിഡന്റ് ബിനോയി മാത്യു, സുനില്‍ ഇല്ലിമൂട്ടില്‍, മനു മാത്യു ചേലയ്ക്കല്‍, ജിന്‍സ് കെ. ഫ്രാന്‍സിസ് കിഴക്കേ പാറഞ്ഞാലില്‍, ബോബന്‍ ചാക്കോ പുളിക്കപ്പറമ്പില്‍, ജിജോ പി. ജോര്‍ജ് പിച്ചനാട്ട് എന്നിവര്‍പ്രസംഗിച്ചു.