ഭരണങ്ങാനം ശ്രീകൃഷ്ണ വാദ്യ കലാപീഠത്തിന്റെ ഒന്‍പതാം വാര്‍ഷിക സമ്മേളനവും പുരസ്‌കാര വിതരണവും

ക്ഷേത്ര വാദ്യ കലാകാരന്മാരുടെ സംഘടനയായ ഭരണങ്ങാനം ശ്രീകൃഷ്ണ വാദ്യ കലാപീഠത്തിന്റെ ഒന്‍പതാം വാര്‍ഷിക സമ്മേളനവും പുരസ്‌കാര വിതരണവും ഇടമറ്റം ഓശാന മൗണ്ടില്‍ നടന്നു. മാണി സി. കാപ്പന്‍ MLA ഉദ്ഘാടനം ചെയ്തു. ശ്രീകൃഷ്ണ വാദ്യ കലാപീഠം പ്രസിഡന്റ്  വലവൂര്‍ അരുണ്‍ മാരാര്‍ അധ്യക്ഷനായിരുന്നു.  7-മത് വാദ്യ പ്രജാപതി പുരസ്‌കാരം  വെന്നിമല അനുവിനും, വാദ്യ മേഖലയിലെ സംഭാവനകളെ മാനിച്ച്  പ്രത്യേക  ആദരവ്  ഇരിങ്ങപ്പുറം ബാബുവിനും മാണി സി കാപ്പന്‍ എം എല്‍ എ സമര്‍പ്പിച്ചു. 

കഴിഞ്ഞ 10 വര്‍ഷമായി കോട്ടയം ജില്ലാ കേന്ദ്രമാക്കി പ്രവര്‍ത്തിക്കുന്ന ക്ഷേത്ര വാദ്യ കലാകാരന്മാരുടെ കൂട്ടായ്മയായ ശ്രീകൃഷ്ണ വാദ്യ കലാപീഠം ഇതിനോടകം നിരവധി സന്നദ്ധ പ്രവര്‍ത്തനങ്ങള്‍ കാഴ്ചവച്ചിട്ടുണ്ട്. പ്രസിഡന്റ് വലവൂര്‍ അരുണ്‍ മാരാര്‍, സെക്രട്ടറി കുറിച്ചിത്താനം വിശാഖ് മാരാര്‍, ട്രഷറര്‍ ഭരണങ്ങാനം വേണുമാരാര്‍, സ്‌കൂള്‍ ഓഫ് ടെമ്പിള്‍ ആര്‍ട്‌സ് മാനേജര്‍ പൂഞ്ഞാര്‍ രാധാകൃഷ്ണന്‍ എന്നിവര്‍ സംസാരിച്ചു.